ដំណឹងល្អៈកម្ពុជានិងប្រទេសចិននឹងចាប់ផ្តើមទូទាត់ប្រាក់ តាមQR Codeចុងឆ្នាំនេះ

ដោយៈ ម៉ាលីនណា

        ភ្នំពេញៈ ប្រទេសកម្ពុជា និង​ចិន ​នឹង​អាច​ទូទាត់​ប្រាក់​ឆ្លងដែ​ន​តាម ​QR-Code នៅ​ចុង​ឆ្នាំ​នេះ​ ​ដើម្បី​ជំរុញ​ការ​ប្រើប្រា​ស់​រូបិយ​ប័ណ្ណ​ប្រទេស​ទាំង​២នៅ​ក្រៅ​ប្រទេស​។

​ធនា​គារ​ជាតិ​នៃ​កម្ពុជា និង​​ក្រុមហ៊ុ​ន​ UnionPay International កាលពីថ្ងៃទី​១០ ខែ​កក្កដា​ បាន​អនុ​ស្សរណៈ​យោគ​យល់​​គ្នា​ស្តីពី “កិច្ច​សហ​ប្រតិ​បត្តិ​ការ​ ទូទាត់​សង​ប្រាក់​ឆ្លង​ដែន​តាម ​QR-Code” ដើម្បី​ជំរុញ​ការ​ប្រើ​ប្រាស់​ប្រាក់​រៀល​របស់​កម្ពុជា និង​ប្រាក់​យន់រ​បស់​ចិន​ឱ្យ​មាន​លក្ខណៈ​ទូលំ​ទូលាយ​ បន្ថែម​ទៀត​នៅ​ក្នុង​ប្រទេស​ទាំង២។​

លោក​ស្រី ជា សិរី ទេសា​ភិបា​លរង​ធនា​គារ​ជាតិនៃ​កម្ពុជា (NBC) បាន​ថ្លែង​នា​ឱកាស​នោះ​ថា ​ការចុះ​អនុស្សរ​ណៈ​នេះ នឹង​ផ្តល់​នូវ​ក្រប​ខ័ណ្ឌ​ សហ​ប្រតិ​បត្តិការ​រវាង​UnionPay និង​ប្រព័ន្ធ​បាគង​ KH QR​។​

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកស្រី​​បាន​បញ្ជាក់​ថា “​កាល​ណា ​យើង​បាន​ចុះ​កិច្ច​សហ​ប្រតិ​បត្តិការ​នេះ​ហើយ​ នៅពេលដែល​យើង​រៀបចំ​ ការត​ភ្ជាប់​ហ្នឹង​បាន យើង​នឹង​ឃើញ​ថា ពេល​រដ្ឋ​យើង​ទៅ​ចិន ​អាច​ស្កេ​ន​ទូទាត់​តាម​QR code នៅ​ចិន​បាន​”។ លោកស្រីបន្តថា “ទាំង​QR របស់ UnionPay, Ali pay​និង We chatផងដែរ”​។

​ដូច្នេះ​ប្រជា​ជន​ខ្មែរ​យើង​ជាង​១០​លាន​នាក់ ​ដែល​មាន​E-Wallet ដែល​អាច​ទូទាត់​តាម​ QR គឺ​អាច​ទូទាត់​បាន​នៅ​ស្រុក​ចិន តាម​ប្រព័ន្ធ​នេះ​បាន​ដោយ​ងាយ​ស្រួល​។​

លោក​ស្រី​ជា សិរី បាន​បន្ថែម​ថា ភ្ញៀវ​ទេស​ចរ​ចិន ​ដែល​មក​កម្ពុជា​អាច​ទូទាត់​ពីWallet​របស់​ខ្លួន ​ដែល​ហៅថា ​UnionPay& able Wallet​ អាច​មក​កម្ពុជា ហើយ​ស្កេ​ន KH QR ហើយ​ទូទាត់​បាន ​ដោយ​ចំណុច​នេះ វា​ល្អ​ជាង​អ្វី​ដែលមា​ន​នាពេល​បច្ចុប្បន្ន ​ព្រោះថា​​ទេសចរ​ចិន​ដែល​មក​កម្ពុជា​គាត់​ស្កេ​ន​បាន ​តែ​ហាង​ទំនិញ​ណា​ដែល​មាន​ភ្ជាប់​ជា​មួយ​UnionPay, Ali pay​និង We chat តែ​ប៉ុណ្ណោះ​។

លោកស្រីបញ្ជាក់ថា ​ដូចនេះ​​អាជីវក​រ ដែល​មាន​ភ្ជាប់​បាគង​ឬក៏​KH QR របស់​ធនាគា​រ​ក្នុង​ស្រុក​នេះ ខាង​ចិន​គាត់​ស្កេ​ន​មិន​ទាន់​បាន​ទេ​។ ដូច្នេះ​នៅ​ពេល​ដែល​យើង​ត​ភ្ជាប់​គ្នា​ហើយ ​ទេសច​រឬ​វិនិយោគិ​ន​ចិនអា​ច​ស្កេ​ន​ទូទាត់​តាម ​KH QR​របស់​យើង​បាន​ហើយ​។ អីចឹ​ង​វា​សម្រួល​ទាំង​សង​ខាង មាន​ន័យ​ថា សម្រួល​ទាំង​ទេស​ចរ​ខ្មែរ​ពេល​ធ្វើដំណើរទៅប្រទេស​ចិន ​និង​ទេស​ចរ​ចិន​ពេល​មក​ខ្មែរ​ផង​ដែរ​”​។

ចំណុច​សំខាន់​មួយ​ទៀត ​ក្នុង​កិច្ច​សហ​ប្រតិបត្តិ​ការ​នេះ ​ក៏ដូចជា​កិច្ច​សហ​ប្រតិបត្តិ​ការ​ផ្សេង​ទៀត លោក​ស្រី​បាន​សង្កត់​ធ្ងន់​ថា ​យើង​ធ្វើ​ជា​មួយ​ប្រទេស​ជិត​ខាង​យើង គឺ​ជំរុញ​ការ​ប្រើប្រាស់​ប្រាក់​រៀល​។ ​ដូច​ដែល​ខ្ញុំ​បាន​លើក​មក​ហើយ​ ទាល់តែ​ប្រជា​ជន​កម្ពុជា​យើង​ទៅ​ស្រុក​គេ ​មាន​គណនី​ជា​លុយ​រៀល ​ទើប​អាច​ទូទាត់​តាម​ KH QR នៅ​ចិន ឬ​ថៃ​បាន​។​

លោកស្រីបន្តថា ងាក​មក​កម្ពុជា​យើង​វិញ ​អាជីវក​ម្ម​យើង ភាគ​ច្រើន​ដាក់​តែ​លុយ​ដុល្លារ​ប៉ុណ្ណោះ ​ដូច្នេះ​នៅពេល​គាត់​ចង់​បាន​អតិថិជ​ន​ ជា​ទេសចរ​ចិន​ច្រើន ​ទាល់​តែ​គាត់​ដាក់​ KH QR ជា​លុយ​រៀល​ទៀត​ទើប​បាន​ ហើយ​ចិន​វិញ​ក៏​ដូច​គ្នា ​គាត់​ជំរុញ​ប្រើ​ប្រាស់​ប្រាក់​យន់​របស់​គាត់​ដូច​គ្នា​។​

លោក​ស្រី ​ជា សិរី រំពឹង​ថា នៅ​ពេល​ដែល​កិច្ច​សហ​ប្រតិ​បត្តិ​ការ​នេះ​ជោគ​ជ័យ ​នឹង​ជួយ​មួយ​ផ្នែក​ទៀត​ ទៅ​លើ​វិស័យ​ទេស​ចរណ៍​របស់​ប្រទេស​ទាំង​២ ​ព្រោះ​នៅ​ពេល​ដែល​ទេសចរ​ចិន ​មក​នឹង​ងាយ​ស្រួល​ចាយវា​យ​ទូទាត់ ដែល​វា​ក៏​អាច​ទាក់​ទាញ​ទេសចរ​ណ៍ មកកម្ពុជា​បន្ថែម​ទៀត​ដែរ​។​

​លោក​ស្រី ជា​ សិរី​ បច្ចុប្ប​ន្ននេះ ​កម្ពុជា​បាន​ដាក់​ឱ្យ​ដំណើរ​ការ​កា​រទូទាត់​តាម​ប្រព័ន្ធ​QR-Code ​ជា​មួយ​វៀត​ណាម​ និង​ថៃ ខណៈ​ចិន​ ឥណ្ឌា ​និង​ឡាវ៕

LEAVE A REPLY

Please enter your comment!
Please enter your name here