ដោយៈ ម៉ាលីនណា
កណ្តាលៈ ធនាគារនីហរ័ណ អហរ័ណ្ណនៃប្រទេសកូរ៉េ បានសម្រេចផ្តល់ហិរញ្ញប្បទានសម្បទាន ដល់គំរោងកសាងប្រព័ន្ខចម្រោះទឹកកខ្វក់ នៅក្រុងតាខ្មៅ ខេត្តកណ្តាល។
ព៌តមាននេះ ត្រូវបានបង្ហើបឲ្យដឹងក្នុងកិច្ចប្រជុំពិភាក្សាអំពីវឌ្ឍនភាពការងារនៃគម្រោងអភិវឌ្ឍន៍ ប្រព័ន្ធចម្រោះទឹកកខ្វក់នៅក្រុងតាខ្មៅ ជាមួយក្រុមហ៊ុនទីប្រឹក្សាបច្ចេកទេស DOHWA Engineering Co., Ltd. និងក្រុមហ៊ុន Seoyoung Engineering Co., Ltd. តាមប្រព័ន្ធវីដេអូពីចម្ងាយ។
កិច្ចប្រជុំនេះ ដឹកនាំដោយលោករស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំ កិច្ចប្រជុំជាមួយក្រុមហ៊ុនទីប្រឹក្សាបច្ចេកទេស DOHWA Engineering Co., Ltd. និងក្រុមហ៊ុន Seoyoung Engineering Co., Ltd. ដើម្បីពិភាក្សាអំពីវឌ្ឍនភាពការងារនៃគម្រោងអភិវឌ្ឍន៍ប្រព័ន្ធចម្រោះ ទឹកកខ្វក់នៅក្រុងតាខ្មៅ។
អង្គប្រជុំបានពិភាក្សាលើការកំណត់ពេលវេលា ផ្ដល់ឯកសាររបាយការណ៍រចនាប្លង់លម្អិត ឯកសារដេញថ្លៃ និងរបាយការណ៍ពង្រាងចុងក្រោយនៃគម្រោង ដើម្បីជំរុញឱ្យការងារនេះ អាចអនុវត្តទៅបានដោយរលូនតាមផែនការដែលបានគ្រោងទុក។
ថ្លែងក្នុងកិច្ចប្រជុំនាឱកាសនោះ លោករស់ វណ្ណាបានផ្ដល់អនុសាសន៍ដល់ក្រុមហ៊ុនទីប្រឹក្សាបច្ចេកទេស រៀបចំឯកសាររបាយការណ៍រចនាប្លង់លម្អិត និងរបាយការណ៍ពង្រាងចុងក្រោយនៃគម្រោង ឱ្យបានរួចរាល់ ត្រឹមខែមករា ឆ្នាំ២០២៣ ហើយបញ្ជូនមកក្រសួងសាធារណការ និងដឹកជញ្ជូន ដើម្បីអាចឱ្យក្រុមការងារបច្ចេកទេស បន្តអនុវត្តកិច្ចការជំហានបន្ទាប់សម្រាប់គម្រោងបាន៕
