ដោយៈគង់ ម៉ាលីនណា
ភ្នំពេញៈ មន្រ្តីជាន់ខ្ពស់ធនាគារជាតិនៃកម្ពុជា(NBC)បានអះអាងថា រហូតមកទល់ឆ្នាំ២០២២នេះ ប្រជាពលរដ្ឋកម្ពុជា៦៧ភាគរយហើយបានទទួលសេវាហិរញ្ញវត្ថុជាផ្លូវការពីស្ថាប័នហិរញ្ញវត្ថុនានា។
NBCបានបញ្ជាក់ថា បច្ចុប្បន្នប្រទេសកម្ពុជា មានធនាគារពាណិជ្ជចំនួន៥៨ ធនាគារឯកទេសចំនួន៩ និងគ្រឹះស្ថានមីក្រូហិរញ្ញវត្ថុចំនួន៨៦ ដែលមានការិយាល័យកណ្តាល និងសាខាសរុបចំនួន២.៦១៤ ព្រមទាំងម៉ាស៊ីនអេធីអឹម ស្វ័យប្រវត្តិចំនួន៣.៩៩៨នៅទូទាំងប្រទេស។
លោកហេង បូមករា អគ្គនាយករងត្រួតពិនិត្យនៃធនាគារជាតិកម្ពុជា បានមានប្រសាសន៍ឲ្យដឹងកាលពីសប្តាហ៍មុនថា ប្រជាជនកម្ពុជាចំនួន៦៧ភាគរយ នៃប្រជាជនសរុបមានលទ្ធភាពទទួលបាន សេវាហិរញ្ញវត្ថុផ្លូវការនៅឆ្នាំ ២០២២ ដែលកើនឡើងពី៥៩ភាគរយនៅឆ្នាំ២០២១។
ទន្ទឹមនឹងនេះ លោក ជា ចាន់តូ បានបន្តថា ប្រទេសកម្ពុជាបានកត់ត្រាគណនី e-wallet ចំនួន១៧,៩លានគណនី គិតត្រឹមឆ្នាំ២០២២ ដែលលើសពីចំនួនប្រជាជនកម្ពុជាចំនួន១៦លាននាក់៕