លោកឧកញ៉ាហួត អៀងតុងៈទំហំប្រាក់បញ្ញើររបស់ធនាគារហត្ថាកើនឡើង២៥ភាគរយ

ដោយៈ ម៉ាលីនណា

       ភ្នំពេញៈ ធនាគារហត្ថាបានបន្តភាពរីកចម្រើនរបស់ខ្លូន ដោយទំហំប្រាក់បញ្ញើរ និងការបញ្ចេញឥណទាន បានកើនឡើងស្របតាមផែនការដែលបានដាក់ចេញ។

លោកឧកញ៉ា ហួត អៀងតុង ប្រធានអគ្គនាយកនៃធនាគារហត្ថា បានមានប្រសាសន៍ឲ្យដឹងកាលពីថ្ងៃទី២៧ ខែធ្នូ ឆ្នាំ២០២២នេះថា បន្ទាប់ពីបណ្តាគ្រឹះស្ថានធនាគារ បានដំឡើងអត្រាការប្រាក់បញ្ញើមក ចំនួនអ្នកមកដាក់បញ្ញើបានកើនឡើង គួរឱ្យកត់សម្គាល់នៅក្នុងឆ្នាំ២០២២នេះ ដែលការកើនឡើងភាគច្រើន គឺបញ្ញើជាប្រភេទប្រាក់ដុល្លារ ខណៈប្រាក់រៀលកើនឡើងតិចតួច។

លោកបន្តថា “ធនាគារហត្ថា នៅឆ្នាំ២០២២ ការដាក់ប្រាក់បញ្ញើបានកើនឡើងប្រមាណ២៥% ដោយធនាគារនេះ ផ្តល់នូវអត្រាការប្រាក់ប្រហា​ក់ប្រហែលគ្នារវាងប្រាក់ដុល្លារ និងប្រាក់រៀលគឺចាប់ពី៨% ទៅ៨.៥% អា​ស្រ័យលើចំនួនទឹកប្រាក់ និងរយៈពេលនៃការដាក់បញ្ញើ”។ ​

លោកឧកញ៉ាហួត អៀងតុងបានបន្ថែមថា “ការដំឡើងអត្រាប្រាក់បញ្ញើជាប្រាក់ដុល្លារ គឺជារឿងមួយល្អ ដែលជួយទប់កុំឱ្យប្រាក់ដុល្លារហូរចេញទៅក្រៅវិញ ពីព្រោះកន្លងមកយើងដឹងហើយថា វិស័យហិរញ្ញវត្ថុយើង យើងបានកៀរគរប្រភពទុនពីក្រៅប្រទេសមកច្រើន ហើយយើងមើលទំនោរនៅក្រៅប្រទេស គឺអត្រាឡើងថ្លៃ យើងមើលទៅទំនោរវាអាចហូរចេញទៅ

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកបន្ថែមថា ដូច្នេះហើយការដំឡើងអត្រាប្រាក់បញ្ញើនេះ គឺយើងអាចទប់មិនឱ្យថវិកា ទាំងអស់នោះហូរចេញទៅក្រៅប្រទេស។ អឹចឹងហើយបានជាយើងឃើញថា កំណើនប្រាក់ដុល្លារនៅតែមានភាពល្អជាធម្មតា


LEAVE A REPLY

Please enter your comment!
Please enter your name here