សេដ្ឋកិច្ច​តំបន់​ចាយ​ប្រាក់​អឺរ៉ូ​អាចនឹងដាំក្បាលចុះរហូតដល់ត្រីមាសទី១ឆ្នាំ២០២៣ ខណៈតម្លៃថាមពលក្នុងតំបន់បន្តហក់ឡើងខ្ពស់

ដោយ: លាងហួរ

អន្តរជាតិ: យោងតាមធនាគារកណ្តាលអឺរ៉ុប(ECB) បានឱ្យដឹងកាលពីថ្ងៃព្រហស្បតិ៍ ទី១៥ ខែធ្នូថា  សេដ្ឋកិច្ចរបស់តំបន់ចាយប្រាក់អឺរ៉ូ អាចនឹងធ្លាក់ចុះ នៅក្នុងត្រីមាសចុងក្រោយនៃឆ្នាំ២០២២នេះ និងត្រីមាសទី១នៃឆ្នាំក្រោយ ដោយសារតែតម្លៃថាមពលហក់ឡើងខ្ពស់។

ធនាគារECB បានព្យាករណ៍ថាផលិតផលក្នុងស្រុកសរុប នឹងកើនឡើង០,៥ភាគរយក្នុងឆ្នាំ២០២៣ ពោលគឺធ្លាក់ចុះពីការព្យាករណ៍កំណើន០,៩ភាគរយកាលពីលើកមុន។

ECB ក៏បានដំឡើងអត្រាការប្រាក់គោលរបស់ខ្លួន ចំនួន៤លើក ដោយសង្ឃឹមថា ការចំណាយលើការខ្ចីប្រាក់ខ្ពស់ នឹងអាចទប់ស្កាត់អត្រាអតិផរណាដែលកំពុងហក់ឡើងបាន។ ចំណែកធនាគារកណ្តាលរបស់តំបន់ចាយប្រាក់អឺរ៉ូ  ដែលមានប្រទេសចំនួន១៩ បានដំឡើងអត្រាប្រាក់បញ្ញើរបស់ខ្លួនរហូតដល់២ភាគរយដូចដែលបានរំពឹងទុក ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ECB បានដំឡើងអត្រាការប្រាក់ចំនួន២,៥ភាគរយ ចាប់តាំងពីខែក ក្កដា ដែលនេះជាល្បឿនដ៏លឿនបំផុត នៃការរឹតបន្តឹងរូបិយវត្ថុក្នុងកំណត់ត្រា ដើម្បីទប់ទល់នឹងអត្រាអតិផរណា ដែលបានហក់ឡើងខ្លាំង ដោយបណ្តាលមកពីការកើនឡើងតម្លៃអាហារ ថាមពល និងតម្លៃសេវាកម្ម។

តាមរយៈសេចក្តីថ្លែងការណ៍ របស់ធនាគារកណ្តាលអឺរុប(ECB)បានឱ្យដឹងថា ដោយផ្អែកលើការប្រែប្រួលយ៉ាងខ្លាំង ចំពោះទស្សនវិស័យអតិផរណា ធនាគារនេះនឹងដំឡើងអត្រាការប្រាក់បន្ថែមទៀត។

ជំហានបន្ទាប់របស់ធនាគារ ក្នុងការរឹតបន្តឹងគោលនយោបាយ នឹងកាត់បន្ថយនូវមូលបត្របំណុល ចំនួន៥ពាន់ពាន់លានអឺរ៉ូរបស់ខ្លួន  ដែលបានទិញនៅពេលធនាគារនេះ បាននឹងកំពុងព្យាយាម ដើម្បីជំរុញសកម្ម ភាពសេដ្ឋកិច្ច៕

LEAVE A REPLY

Please enter your comment!
Please enter your name here