ប្រទេសថៃប្រមូលប្រាក់ចំណូលបានលើសពីគោលដៅក្នុងរយៈពេល២ខែដំបូងនៃឆ្នាំសារពើពន្ធ២០២៣

ដោយ: លាងហួរ

បាងកក: យោងតាមលោកអគ្គនាយក Lavaron Sangsnit បានឱ្យដឹងថា នាយកដ្ឋានចំណូល នឹងសម្រេចបាននូវគោលដៅ ប្រមូលប្រាក់ចំណូ​លចំនួន២,២ពាន់ពាន់លានបាត (៦៣,២៣ពាន់លានដុល្លារ)ក្នុងឆ្នាំសារពើពន្ធ២០២៣។

លោក​បានបន្តថា ការ​ប្រមូល​ចំណូល​ក្នុង​ខែ​តុលា និង​ខែ​វិច្ឆិកា  ដែល​ជា​រយៈ​ពេល​ពីរ​ខែ​ដំបូង​ នៃ​ឆ្នាំសារពើពន្ធ​ឆ្នាំ​២០២៣ បានកើនឡើងលើស​ពី​គោលដៅ។

លោកLavaron បានបន្ថែមថា អាជីវកម្មជាច្រើនមានសកម្មភាពឡើងវិញបន្ទាប់ពីប្រទេសថៃ បានបើកដំណើរការឡើងវិញយ៉ាងពេញលេញ ជាពិសេសវិស័យលក់រាយ និងដឹកជញ្ជូន ហើយវិស័យលក់រាយ និងភស្តុភារ ត្រូវបានគេរំពឹងថា នឹងបន្តក្លាយជាអ្នករួមចំណែកដ៏សំខាន់ ដល់ប្រាក់ចំណូ​លរបស់ប្រទេស។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកបានបញ្ជាក់ថា នាយកដ្ឋាននេះ កំពុងប្រឹងប្រែងអស់ពីសមត្ថភាព ដើម្បីប្រមូលប្រាក់ចំណូល ប៉ុន្តែប្រទេសថៃអាចប្រឈមនឹងហានិភ័យ ពីវិបត្តិសេដ្ឋកិច្ចសកល  ដែលអាចកើតមាននៅឆ្នាំក្រោយ។

បច្ចុប្បន្ននេះ ទីភ្នាក់ងារនាយកដ្ឋាន បានដាក់ពង្រាយប្រព័ន្ធបញ្ញាសិប្បនិម្មិត (AI) និងប្រព័ន្ធទិន្នន័យធំ  ដើម្បីជំរុញការប្រមូលចំណូលរបស់ខ្លួន។

លោក Lavaron បានមានប្រសាសន៍ថា នាយកដ្ឋានចំណូល នឹងបន្តអភិវឌ្ឍប្រព័ន្ធ AI ដើម្បីជួយចាប់អ្នកគេចពន្ធ៕

LEAVE A REPLY

Please enter your comment!
Please enter your name here