ដោយៈ ម៉ាលីនណា
ភ្នំពេញៈ រដ្ឋាភិបាលកម្ពុជា កំពុងរៀបចំសាងសង់កំពង់ផែទឹកជ្រៅមួយទៀត “ផែគន្ថីនៅទឹកជ្រៅ” មានជម្រៅរហូតដល់១៤,៥០ម៉ែត្រ ដែលអាចអនុញ្ញាតឱ្យនាវាប្រហែល៩៣ភាគរយ។
កំពង់ផែថ្មីនេះ នឹងអាចអនុញ្ញាត្តឲ្យកប៉ាល់ធំៗ ធ្វើដំណើរក្នុងតំបន់អាស៊ីប៉ាស៊ីហ្វិក អាចចតបាននៅកំពង់ផែ ក្រុងព្រះសីហនុបាន។នេះបើតាមការបញ្ជាក់របស់ លោកទេសរដ្ឋមន្រ្តីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន”បានថ្លែងកាលពីពេលថ្មីៗនេះ។
លោកបានបន្ថែមថា ក្នុងពេលជាមួយគ្នានេះ រដ្ឋាភិបាលកំពុងសិក្សាធ្វើផែ២ទៀត ដែលកំពង់ផែទី១ មានជម្រៅទឹក១៦,៥០ ម៉ែត្រ កំពង់ផែមួយទៀតមានជម្រៅទឹក១៧,៥០ ម៉ែត្រ។ ឆ្នាំ២០៣០ នឹងធ្វើឱ្យហើយ១៧,៥០ម៉ែត្រ ដែលអនុញ្ញាតឱ្យនាវាអាចផ្ទុកទំនិញបាន១២ម៉ឺនតោន ដល់១២០ពាន់តោន អាចធ្វើដំណើរពីកំពង់ផែក្រុងព្រះសីហនុ ឆ្ពោះត្រង់តែម្តងទៅសហរដ្ឋអាមេរិក និងត្រង់ទៅអឺរ៉ុប។
លោកស៊ុន ចាន់ថុលបានបន្តថា សព្វថ្ងៃនេះ ដោយសារទឹករាក់ កម្ពុជាត្រូវដឹកទំនិញទៅសិង្ហបុរី ឬទៅហុងកុង ឬទៅវ៉ង់តាវជាដើម ដើម្បីផ្ទេរទំនិញទៅកប៉ាល់ធំ ដោយប្រើប្រាស់ថវិកាច្រើន ក្នុងការលើកដាក់ទំនិញដល់ទៅពីរដង៕
