របាយការណ៍៖ សេដ្ឋកិច្ចឌីជីថលក្លាយជាក្បាលម៉ាស៊ីនដ៏សំខាន់សម្រាប់ជំរុញកំណើនសេដ្ឋកិច្ចពិភពលោក

ដោយ: លាងហួរ

ប៉េកាំង: សេដ្ឋកិច្ចឌីជីថលរបស់ប្រទេសចិនបានឈានដល់៤៥,៥ពាន់ពាន់លានយ័ន (ប្រហែល៦,៣ពាន់ពាន់លានដុល្លារ) នៅក្នុងឆ្នាំ២០២១ ដែលស្មើនឹង ៣៩,៨ភាគរយ នៃផលិតផលក្នុងស្រុកសរុបរបស់ប្រទេសចិន។ នេះបើយោងតាមរបាយការណ៍ចេញផ្សាយ ដោយបណ្ឌិត្យសភាសិក្សាតាមអ៊ីនធឺណិត ចិន កាលពីថ្ងៃពុធម្សិលមិញនេះ។

យោងតាមរបាយការណ៍អភិវឌ្ឍន៍អ៊ីនធឺណែត របស់ប្រទេសចិនឆ្នាំ២០២២ ដែលត្រូវបានចេញផ្សាយ ក្នុងកិច្ចប្រជុំកំពូល WIC ធ្វើឡើងនៅទីក្រុងះ Wuzhen ភាគខាងកើត នៃប្រទេសចិន បានបង្ហាញថា សេដ្ឋកិច្ចឌីជីថលបានក្លាយជាមូលដ្ឋានគ្រឹះដ៏សំខាន់ នៃការអភិវឌ្ឍន៍សេដ្ឋកិច្ច ប្រកបដោយស្ថិរភាពរបស់ប្រទេសចិន។

បន្ថែមពីលើរបាយការណ៍ខាងលើ កិច្ចប្រជុំកំពូលនេះក៏បានចេញផ្សាយរបាយការណ៍មួយទៀតដែលមានចំណងជើងថា “របាយការណ៍អភិវឌ្ឍន៍អ៊ីនធឺណិតពិភពលោកឆ្នាំ២០២២” ដែលបានបង្ហាញថាសេដ្ឋកិច្ចឌីជីថល នៅក្នុងប្រទេសចំនួន៤៧ ជុំវិញពិភពលោក បានឈានដល់៣៨,១ពាន់ពាន់លានដុល្លារក្នុងឆ្នាំ២០២១ ជាមួយនឹងការកើនឡើង១៥,៦ភាគរយ ពីមួយឆ្នាំទៅមួយឆ្នាំ។

របាយការណ៍ដដែលនេះបានបង្ហាញថា សេដ្ឋកិច្ចឌីជីថលបានក្លាយជាក្បាលម៉ាស៊ីនដ៏សំខាន់ដែលជំរុញឱ្យមានការងើបឡើងវិញ នៃសេដ្ឋកិច្ចពិភពលោក៕