ដោយ: លាងហួរ
ម៉ានីល: ការិយាល័យរតនាគារហ្វីលីពីន បានប្រកាសកាលពីថ្ងៃព្រហស្បតិ៍ ទី០៣ ខែវិច្ឆិកា ថាបំណុលរបស់ប្រទេសហ្វីលីពីន បានកើនឡើងដល់១៣,៥២ពាន់ពាន់លានប៉េសូ (ប្រហែល២២៩,៨៨ពាន់លានដុល្លារ)នៅចុងខែកញ្ញា ពោលគឺកើនឡើង៣,៨ភាគរយធៀបនឹងខែសីហា។
នេះបើយោងតាមការចេញផ្សាយ ដោយសារពត៌មានចិនXinhuaនាថ្ងៃទី០៣ ខែវិច្ឆិកា ឆ្នាំ២០២២។
ការិយាល័យរតនាគារនេះបានសន្មតថា ការកើនឡើងផលបត្របំណុលក្នុងខែកញ្ញា មានចំនួន៤៩៥,៥៤ពាន់លានប៉េសូ (ប្រហែល៨,៤ពាន់លានដុល្លារ)បានបណ្តាលមកពីការធ្លាក់ថ្លៃប្រាក់ប៉េសូ ធៀបនឹងប្រាក់ដុល្លារអាមេរិក និងការបោះពុម្ពមូលបត្រ រដ្ឋាភិបាលសុទ្ធដើម្បីទ្រទ្រង់ថវិកា។
ក្នុងចំណោមភាគហ៊ុនបំណុលសរុប ក្នុងនោះ៣១,២ភាគរយបានមកពីប្រភពខាងក្រៅ ខណៈភាគហ៊ុនបំណុលចំនួន៦៨,៨ភាគរយទៀត ជាកម្ចីក្នុងស្រុក។
ការិយាល័យរតនាគារហ្វីលីពីន បានបន្ថែមថាបំណុលខាងក្រៅរបស់ប្រទេសបានកើនឡើង១៨,៥ភាគរយ នៅក្នុងខែកញ្ញាធៀបដំណាច់ខែធ្នូឆ្នាំ២០២១៕
