ដោយ: លាងហួរ
សេអ៊ូល: ក្រុមហិរញ្ញវត្ថុធំៗចំនួន៥ របស់ប្រទេសកូរ៉េខាងត្បូងបានសម្រេចចិត្តនៅថ្ងៃអង្គារនេះ ដើម្បីបញ្ចូលសាច់ប្រាក់ងាយស្រួល ទៅក្នុងទីផ្សារហិរញ្ញវត្ថុ ដើម្បីជួយទប់ទល់នឹងការប្រែប្រួលនាពេលថ្មីៗនេះ។
ការសម្រេចចិត្តជះថវិកា៩៥ពាន់ពាន់លាន វ៉ុន(៦៦,៥ពាន់លានដុល្លារ) ចូលទៅក្នុងទីផ្សារនៅដំណាច់ឆ្នាំនេះ បានធ្វើឡើងបន្ទាប់ពីនិយតករហិរញ្ញវត្ថុកំពូលរបស់ប្រទេសនេះ បានជួបជាមួយប្រធានស្ថាប័នទាំងនោះរួមទាំង KB Financial Group Inc. ដើម្បីស្នើសុំកិច្ចសហប្រតិបត្តិការរបស់ពួកគេ។
សម្រាប់ថវិកាសរុបចំនួន៩៥ពាន់ពាន់លាន វ៉ុន ដោយគេបានបែងចែកថវិកាចំនួន៧៣ពាន់ពាន់លានដុល្លារ ចូលទៅក្នុងទីផ្សារ និង១២ពាន់ពាន់លានវ៉ុន ចូលក្នុងមូលនិធិស្ថិរភាពទីផ្សារមូលបត្រ។
ចំណែកថវិកាបន្ថែមទៀតចំនួន១០ពាន់ពាន់លានវ៉ុន នឹងត្រូវបានផ្តល់ជូនដល់ក្រុមហ៊ុនបុត្រសម្ព័ន្ធ នៃក្រុមហ៊ុនកាន់កាប់ផ្នែកហិរញ្ញវត្ថុទាំងនោះ។
ដូច្នេះថវិកាទាំងនេះ នឹងត្រូវប្រើប្រាស់ដើម្បីទិញមូលបត្របំណុលសាជីវកម្ម និងបំណុលផ្សេងទៀត ព្រមទាំងផ្តល់មូលនិធិបន្ថែមទៀតដល់ក្រុមហ៊ុនរដ្ឋ ពាណិជ្ជករខ្នាតតូច និងអាជីវកម្ម។
លោក Kim Joo-hyeon ប្រធានគណៈកម្មការសេវាកម្មហិរញ្ញវត្ថុ (FSC) បានអំពាវនាវដល់ប្រធានក្រុមហិរញ្ញវត្ថុ ឱ្យជួយរក្សាស្ថិរភាពទីផ្សារហិរញ្ញវត្ថុ។
លោកបានបន្តថា “ទីផ្សារហិរញ្ញវត្ថុកំពុងបង្ហាញសញ្ញាធ្លាក់ចុះ ដោយសារវិធានការរបស់រដ្ឋាភិបាល ធនាគារកណ្តាល និងអ្នកផ្តល់កម្ចីពាណិជ្ជកម្ម”៕