ដោយ: លាងហួរ
ប៉េកាំង: យោងតាមទិន្នន័យពីធនាគារកណ្តាលចិន បានបង្ហាញថា ការបោះផ្សាយលក់មូលបត្របំណុលសរុប នៅក្នុងប្រទេសចិនបានកើនលើសពី៥,២ពាន់ពាន់លានយ័ន (ប្រហែល៧២៤,៥៦ពាន់លានដុល្លារអាមេរិក) នៅក្នុងខែកញ្ញា ឆ្នាំ២០២២។
នេះបើយោងតាមការចេញផ្សាយ ដោយសារពត៌មានចិនXinhuaនាថ្ងៃចន្ទ ទី៣១ ខែតុលា ឆ្នាំ២០២២។
ជាពិសេស ការបោះពុម្ពមូលបត្របំណុលរតនាគារ មានចំនួនទឹកប្រាក់៩០៥,៨៧ពាន់លានយ័នកាលពីខែកញ្ញា ស្របពេលដែលមូលបត្របំណុលរដ្ឋបាលក្នុងស្រុក មានចំនួន៣០១,០៨ពាន់លានយន់។ នេះបើយោងតាមធនាគារប្រជាជនចិន។
នៅក្នុងខែកញ្ញា ការបោះពុម្ពមូលបត្របំណុលហិរញ្ញវត្ថុ បានឈានដល់៨៩២,៣១ពាន់លានយ័ន។ ចំណែកការបោះពុម្ពមូលបត្របំណុលសាជីវកម្ម បានកើនឡើងដល់១,១៧ពាន់ពាន់លានយ័ន។
ការបោះពុម្ពមូលបត្រ ដែលគាំទ្រដោយទ្រព្យសកម្ម មានចំនួន៤១,៦៩ពាន់លានយ័ន ខណៈដែលប័ណ្ណប្រាក់បញ្ញើអន្តរធនាគារមានចំនួនដល់ទៅ១,៨៣ពាន់ពាន់លានយ័ន។
ទិន្នន័យដដែលនេះបានបង្ហាញថា គិតត្រឹមដំណាច់ខែកញ្ញា មូលបត្របំណុល ដែលមិនទាន់ទូទាត់សង មានចំនួន១៤៣,៩ពាន់ពាន់លានយ័ន៕