ដោយ:លាងហួរ
សៀងហៃ: តម្លៃផ្ទះជួលកំពុងដាំក្បាលចុះ នៅក្នុងទីក្រុងសៀងហៃ ដោយម្ចាស់ផ្ទះមួយចំនួនផ្តល់ការបញ្ចុះតម្លៃរហូតដល់២០ភាគរយ ស្របពេលក្រុមជនបរទេស និងកម្មករដែលមានប្រាក់ចំណូលខ្ពស់ បានសម្រុកចាកចេញពីទីក្រុងចំពេលមានវិធានការកូវីដសូន្យ។
តម្លៃផ្ទះជួលប្រចាំខែជាមធ្យម បានធ្លាក់ចុះ៥,៦ភាគរយក្នុងខែកញ្ញាមកត្រឹម១០២,៧១យ័ន(១៤,២ដុល្លារ) ក្នុង១ម៉ែត្រការ៉េ ចាប់ពីខែសីហា។ នេះបើយោងតាម creprice.cn ដែលជាអ្នកផ្តល់ទិន្នន័យឧស្សាហកម្មអចលនទ្រព្យ។
ការគិតថ្លៃជួលជាមធ្យមអាចធ្លាក់ចុះ១ភាគរយ បន្ថែមទៀតដល់១០១,៥៩យ័ន ដោយផ្អែកលើការដកស្រង់ដោយផ្ទះល្វែង សម្រាប់ជួលចំនួន៥២.៦០០។
លោក You Liangzhou ម្ចាស់ទីភ្នាក់ងារអចលនទ្រព្យ Baonuo នៅទីក្រុងសៀងហៃ បាននិយាយថា ម្ចាស់ផ្ទះមានការខកចិត្តយ៉ាងខ្លាំងស្របពេលតម្រូវការលំនៅដ្ឋានបានដាំក្បាលចុះ។ ចំណែកឯផ្ទះប្រណីតក៏គ្មានអ្នកជួលផងដែរ លុះត្រាតែម្ចាស់ផ្ទះយល់ព្រមកាត់បន្ថយ អត្រាតម្លៃជួលយ៉ាងហោចណាស់២០ភាគរយ៕
