ការបន្ធូរបន្ថយពន្ធអចលនទ្រព្យជំរុញឱ្យការផ្គត់ផ្គង់លំនៅដ្ឋាន ក្នុងទីផ្សារប្រទេសថៃហក់ឡើងខ្ពស់

ដោយៈ សុខុម

បាងកក: ការបន្តបន្ធូរបន្ថយពន្ធចលនទ្រព្យ លើថ្លៃសេវាផ្ទេរកម្មសិទ្ធិ និងកម្ចីទិញផ្ទះក្នុងឆ្នាំនេះ ដែលរួមបញ្ចូលទាំងលក់ពីម្ចាស់ដើម ទៅអ្នកទី២ បានធ្វើឱ្យការផ្គត់ផ្គង់លំនៅដ្ឋាន ក្នុងទីផ្សារអចលនទ្រព្យក្នុងប្រទេសថៃ កើនឡើងខ្ពស់។ នេះបើយោងតាមសារព័ត៌មាន Bangkok Post ចុះផ្សាយកាលពីថ្ងៃព្រហស្បតិ៍ ទី២៧ ខែតុលា។

លោក Vichai Virakapan អគ្គនាយកស្ដីទីនៃមជ្ឈមណ្ឌលព័ត៌មានអចលនទ្រព្យ (REIC) របស់ថៃបានលើកឡើងថា ម្ចាស់ផ្ទះដើមដែលបាន ដាក់លក់ទូទាំងប្រទេស ក្នុងត្រីមាសទី២ឆ្នាំនេះ មានចំនួនសរុបជាមធ្យម១៦២.៧១៦យូនីតក្នុងមួយខែៗ ជាមួយនឹងតម្លៃរុប៩៩៦ពាន់លានបាត (ជាង២៦,៣ពាន់លានដុល្លារអាមេរិក)។

អ្នកជំនាញរូបនេះបានគូសបញ្ជាក់ថា “តួលេខនេះនេះបង្ហាញពីកំណើ​ន១៨% បើធៀបនឹងតួលេខក្នុងត្រីមាសទី១”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

យោងតាមមជ្ឈមណ្ឌលព័ត៌មានអចលនទ្រព្យ (REIC) បានឱ្យដឹងថា ផ្ទះលក់ទៅកាន់អ្នកទី២ ដែលត្រូវបានដាក់លក់ច្រើនជាងគេបំផុត គឺជាប្រភេទផ្ទះវីឡាសង់ដាច់តែឯង (Single Detached House) ដែលមានចំនួន៦៤.៣៩២យូនីត បន្ទាប់មកខុនដូមានចំនួន៤៩.២៥០យូនីត និងផ្ទះ Townhouse (ប្រភេទផ្ទះដែលមានកម្ពស់បីជាន់) មានចំនួន៤២.៦២៦យូនីត។

ការផ្គត់ផ្គង់ខុនដូប្រចាំត្រីមាស សម្រេចបានកំណើន២១% បន្ទាប់មកគឺផ្ទះអាជីវកម្ម (Shophouse) សម្រេចបានកំណើន២០% ផ្ទះ Townhouse សម្រេចបានកំណើន១៧% ផ្ទះវីឡាសង់ដាច់តែឯងសម្រេចបានកំណើន១៦,៦% និងផ្ទះវីឡាមានឡៅតឿ (Duplex House) សម្រេចបានកំណើន១,៩%។

ទោះជាយ៉ាងណា ទិន្នន័យសម្រាប់ត្រីមាសទី៣ មិនទាន់មាននៅឡើយទេ៕ Bangkok Post៕

LEAVE A REPLY

Please enter your comment!
Please enter your name here