ដោយ: លាងហួរ
ប៉េកាំង: ទិន្នន័យផ្លូវការបានបង្ហាញនៅថ្ងៃច័ន្ទនេះថា ទំហំវិនិយោគអចលនទ្រព្យរបស់ប្រទេសចិន ក្នុងខែមករា ដល់ខែកញ្ញា បានធ្លាក់ចុះ៨ភាគរយ ធៀបនឹងរយៈពេលដូចគ្នាកាលពីឆ្នាំ២០២១។
នេះបើយោងតាមការចេញផ្សាយ ដោយសារពត៌មានReutersនៅថ្ងៃទី២៤ ខែតុលា ឆ្នាំ២០២២នេះ។
យោងតាមទិន្នន័យពីការិយាល័យស្ថិតិជាតិបានឱ្យដឹងថា ទំហំនៃការលក់អចលនទ្រព្យ បានធ្លាក់ចុះ២២,២ភាគរយ ក្នុងរយៈពេល៩ខែដំបូងធៀបនឹងឆ្នាំមុន បើធៀបនឹងការធ្លាក់ចុះ២៣ភាគរយ ក្នុងរយៈពេល៨ខែដំបូងនៃឆ្នាំនេះ។
គម្រោងសាងសង់ថ្មីបានធ្លាក់ចុះ៣៨ភាគរយ នៅកងខែមករាដល់ខែកញ្ញា ដែលកើនឡើងពីការធ្លាក់ចុះ៣៧,២ភាគរយ ក្នុងរយៈពេលប្រាំបីខែដំបូងនៃឆ្នាំនេះ។
ចំណែកមូលនិធិរបស់អ្នកអភិវឌ្ឍន៍អចលនទ្រព្យ របស់ប្រទេសចិនបានធ្លាក់ចុះ២៤,៥ភាគរយ ពោលគឺធ្លាក់ចុះពីកំណើន២៥ភាគរយ នៅក្នុងខែមករាដល់ខែសីហា។
ទីក្រុងប៉េកាំងបានដាក់ចេញ នូវគោលនយោបាយជំរុញសេដ្ឋកិច្ចមួយចំនួន ដើម្បីជំរុញវិស័យអចលនទ្រព្យដែលមានបញ្ហា រួមទាំងការបន្ធូរបន្ថយអត្រាការប្រាក់សម្រាប់អ្នកទិញលើកដំបូង នៅក្នុងទីក្រុងមួយចំនួន។
ទោះជាយ៉ាងនេះក្តី តម្រូវការនៅតែមានភាពផុយស្រួយ ដោយសារវិបត្តិបំណុលក្នុងវិស័យនេះ ហើយការទប់ស្កាត់ជំងឺកូវីដ១៩ បាននាំឱ្យទំនុកចិត្តធ្លាក់ចុះ៕
