ដោយ: លាងហួរ
សេអ៊ូល: យោងតាមក្រសួងហិរញ្ញវត្ថុ បានឱ្យដឹងនៅថ្ងៃចន្ទនេះថា ប្រទេសកូរ៉េខាងត្បូង គ្រោងនឹងរៀបចំឡើងវិញ នូវបទប្បញ្ញត្តិធុរកិច្ចដែលជាផ្នែកមួយនៃកិច្ចខិតខំប្រឹងប្រែង ដើម្បីជំរុញការវិនិយោគ ចំពេលមានការព្រួយបារម្ភកាន់តែខ្លាំងឡើងអំពីការធ្លាក់ចុះនៃសេដ្ឋកិច្ច។
យោងតាមក្រសួងសេដ្ឋកិច្ច និងហិរញ្ញវត្ថុបានឱ្យដឹងថា ការសម្រេចនេះ ត្រូវបានធ្វើឡើងក្នុងកិច្ចប្រជុំ នៃក្រសួងពាក់ព័ន្ធផ្នែកសេដ្ឋកិច្ច ក្រោមអធិបតីភាពរដ្ឋមន្ត្រីក្រសួងហិរញ្ញវត្ថុ លោក Choo Kyung-ho ។
ប្រទេសកូរ៉េខាងត្បូង គ្រោងនឹងកែសម្រួលបទប្បញ្ញត្តិទាក់ទងនឹងអាជីវកម្មចំនួន២៤ ដែលរំពឹងថានឹងជួយដល់ប្រទេសនេះ បង្កើនការវិនិយោគដែលមានទំហំទឹកប្រាក់១,៥ពាន់ពាន់លានវ៉ុន(១,០៣ពាន់លានដុល្លារ)។
ក្នុងអំឡុងពេលនៃកិច្ចប្រជុំលើកមុន ដែលបានធ្វើឡើងក្នុងខែកក្កដា និងកញ្ញា រដ្ឋាភិបាលបានប្តេជ្ញាកែប្រែបទប្បញ្ញត្តិសរុបចំនួន ៨៦។
លោក Choo បានថ្លែងនៅក្នុងកិច្ចប្រជុំថា គោលដៅនេះផ្តោតលើការដោះស្រាយឧបសគ្គ នៅនឹងកន្លែងក្នុងវិស័យដូចជា ការដឹកជញ្ជូននាំចេញ-នាំចូល និងការគ្រប់គ្រងសុវត្ថិភាព៕
