ដោយគង់ ម៉ាលីន
ភ្នំពេញៈ គេតែងតែលឺការលើកឡើងជារឿងៗថា ការឲ្យមិត្តភ័ក្តខ្ចីលុយអាចបាត់បង់មិត្តភាព តើជាការពិតដែរឬទេ? ដែលតាមការពិតការឲ្យប្រាក់ទៅមិត្តភក្តិខ្ចីជាទង្វើដ៏សប្បុរសមួយ។
ប៉ុន្តែទង្វើនេះ អាចនាំទៅដល់ការបែកបាក់មិត្តភាពនៅពេលដែលមិត្ត ភក្តិមិនព្រមសងប្រាក់វិញ។ ស្ថិតក្នុងស្ថានភាពនេះ យើងត្រូវថ្លឹងថ្លែងរវាងមិត្តភក្តិនិងប្រាក់។ ទោះបីជាយ៉ាងណាក៏ដោយបើជាមិត្តល្អនឹងគ្នា ចុងក្រោយយើងត្រូវតែឲ្យខ្ចីដដែល។
ហេតុនេះដើម្បីជៀសវាង កុំឲ្យមានបញ្ហាមុននឹងអ្នកសម្រេចថា ឲ្យមិត្តភក្តិខ្ចីប្រាក់អ្នកគួរអនុវត្តដូចជា ទី១ ពិភាក្សាជាមួយប្តីប្រពន្ធជាមុនសិន ដើម្បីឲ្យយល់ច្បាស់ពីគ្នាទៅវិញទៅមក ដើម្បីឲ្យគាត់ទទួលដឹងឮ និងយល់ព្រមឲ្យអ្នកផ្តល់ប្រាក់ឲ្យមិត្ត ភក្តិខ្ចី។
ទី២ គិតទុកជាស្រេចថា ប្រាក់ដែលឲ្យខ្ចីគ្មានសំណងត្រឡប់មកវិញទេ គឺទុកដូចជាឲ្យទទេ។ តែប្រសិនបើមិត្តភក្តិសងវិញជាការប្រសើរ។ ចូរឲ្យខ្ចីត្រឹមតែកម្រិតដែលអ្នកយល់ថាសមល្មមបានហើយ និងទី៣ ជួយស្វែងរកដំណោះស្រាយឲ្យមិត្តភក្តិ ដូចជាជួយរកការងារឲ្យ ឬជួយរកប្រភពចំណូលផ្សេងទៀត៕