ដោយ៖ លាងហួរ
ប្រទេសថៃ៖ ធនាគារកណ្តាលរបស់ប្រទេសថៃ បានរក្សាអត្រាការប្រាក់របស់ខ្លួនឱ្យនៅដដែល ជាថ្មីម្តងទៀត នៅថ្ងៃពុធនេះ ទោះបីជាអតិផរណាបានកើនឡើងខ្ពស់ខ្លាំងក៏ដោយ។ នេះបើតាមការចុះផ្សាយរបស់សារព័ត៌មានបាងកកបុស្តិ៍នៅថ្ងៃទី០៨ ខែមិថុនានេះ។
ធនាគារកណ្តាលប្រទេសថៃ បានព្យាករណ៍អំពីកំណើនសេដ្ឋកិច្ចរបស់ប្រទេសខ្លួនថា នឹងកើនឡើងបន្តិច ក្នុងអត្រា៣,៣ភាគរយ ក្នុងឆ្នាំ២០២២ កើនឡើងពីការព្យាករណ៍ពីមុន សម្រាប់កំណើនត្រឹម៣,២ភាគរយ។ ចំណែក នៅឆ្នាំ២០២៣ នឹងកើនឡើងដល់៤,២ភាគរយ ធ្លាក់ចុះការព្យាករណ៍ពីមុនរបស់ ដែលមាន៤,៤ភាគរយ។
ធនាគារនេះ ក៏បានបង្កើនការព្យាករណ៍របស់ខ្លួន សម្រាប់អតិផរណានៅឆ្នាំនេះផងដែរ ដោយបានឱ្យដឹងថា នឹងនៅតែកើនឡើងក្នុងរយៈពេលយូរជាងការរំពឹងទុកទៅទៀត។ ការសម្រេចចិត្តដំឡើងអត្រាការប្រាក់ដោយធនាគារកណ្តាល នឹងស្របតាមស្ថានភាពសេដ្ឋកិច្ច និងអតិផរណាជាក់ស្តែង។
ធនាគារកណ្តាលប្រទេសថៃ បាននិយាយនៅក្នុងសេចក្តីថ្លែងការណ៍មួយ បន្ទាប់ពីកិច្ចប្រជុំគោលនយោបាយរបស់ខ្លួនថា គណៈកម្មាធិការកណ្តាលយល់ថា គោលនយោបាយរូបិយវត្ថុ ដែលមានប្រសិទ្ធភាព នឹងមានភាពចាំបាច់តិចជាងមុន។
ធនាគារកណ្តាលរំពឹងថាតម្លៃអ្នកប្រើប្រាស់ជាមធ្យមប្រចាំឆ្នាំ២០២២នឹងខ្ពស់ជាងឆ្នាំមុន៦,២ភាគរយធៀប។ សម្រាប់ឆ្នាំ២០២៣ តម្លៃអ្នកប្រើប្រាស់ត្រូវបានព្យាករណ៍ថា នឹងមានការកើនឡើង២,៥ភាគរយ ធៀបនឹងការព្យាករណ៍ពីមុន១,៧ភាគរយ។
ក្នុងវិស័យទេសចរណ៍ ធនាគារកណ្តាលថៃ បានបង្កើនការព្យាករណ៍របស់ខ្លួន សម្រាប់ការមកដល់នៃភ្ញៀវទេសចរបរទេស សម្រាប់ឆ្នាំ២០២២នេះ ដល់៦លាននាក់ ពី៥,៦លាននាក់ ដែលបានព្យាករណ៍ពីមុន ហើយរំពឹងទេសចរបរទេសចំនួន១៩លាននាក់ ក្នុងឆ្នាំ២០២៣។
សម្រាប់វិស័យពាណិជ្ជកម្ម ធនាគារមួយនេះ បានបង្កើនការព្យាករណ៍ សម្រាប់ឆ្នាំ២០២២ ការនាំចេញនឹងកើនឡើងដល់៧,៩ភាគរយ ធៀបនឹងការកើនឡើង៧ភាគរយ ហើយនឹងកើនឡើង២,១ភាគរយនៅឆ្នាំក្រោយ៕