ដោយ ម៉ាលីនណា
ភ្នំពេញៈ មនុស្សគ្រប់រូបសុទ្ឋតែប្រាថ្នារស់នៅសុខស្រួល មានប្រាក់ច្រើន ឬមានសេរីភាពហិរញ្ញវត្ថុ ប៉ុន្តែមានផ្នត់គំនិត ឬបប្រព័ន្ឋនៃការគិតជាច្រើន ដែលរារាំងការឈានឡើងពីភាពក្រីក្ររបស់អ្នក។
តើផ្នត់គំនិតទាំងអស់នោះមានអ្វីខ្លះ គេទំព័រ CambodiaFinancialtimes.comនិងfacebook page ឈ្មោះ Cambodia Financial Times សូមលើកផ្នត់គំនិតទាំងនោះមកចែកជូនអ្នកអាន ដើម្បីពិចារណា។
ទី១ មនុស្សទូទៅ រស់នៅក្នុងសង្គម ឬបរិយាកាសមួយ ដែលមិនមានអ្នកមាននៅក្បែរ។ ជាហេតុធ្វើឲ្យពួកគេមិនដឹងថា តើអ្វីទៅដែលជំរុញឲ្យមនុស្សម្នាក់ៗ ក្លាយជាអ្នកមានបាន។
ទី២ មនុស្សទូទៅ មិនហ៊ានសម្រេចចិត្តធ្វើ ទោះបីពួកគេបានអាន ឬបានទទួលដំបូន្មានពីមនុស្សជោគជ័យក៏ដោយ។
ទី៣ មនុស្សទូទៅ មិនព្រមចាប់ផ្តើមធ្វើឥឡូវភ្លាមទេ ចេះតែគិតថាចាំដល់ពេលនេះចាំធ្វើចាំដល់ពេលនោះចាំធ្វើ។
ទី៤ មនុស្សទូទៅ ពេញចិត្តតែនឹងរបស់ចំពោះមុខ ចាយវាយដើម្បីសប្បាយរយៈពេលខ្លី។
និងទី៥ មនុស្សទូទៅ ខ្វះទស្សនវិស័យទៅអនាគត មិនដឹងថាអ្វីគួរធ្វើ អ្វីមិនគួរធ្វើ ដើម្បីសម្រេចទៅដៅអនាគត៕
