ដោយៈគង់ ម៉ាលីនណា
ភ្នំពេញៈ ធនាគារហត្ថាកាលពីពេលថ្មីៗនេះ បានចុះហត្ថលេខាជាមួយក្រុមហ៊ុន Temennos ដែលជាក្រុមហ៊ុនផ្តល់សេវាកម្មប្រព័ន្ឋធនាគារ ធំជាងគេនៅលើពិភពលោក ដើម្បីពង្រីកការប្រើប្រាស់ Digital Internet Banking។
ប្រធានអគ្គនាយកធនាគារហត្ថាលោកឧកញ៉ាហួត អៀងតុងបានមានប្រសាសន៍៍ឲ្យដឹងតាមទូរស័ព្ទនារសៀលថ្ងៃទី៤ វិច្ឆិកានេះថា ក្រុមហ៊ុន Temennos ជាក្រុមហ៊ុនផ្តល់សេវាកម្មស្នូលលើប្រព័ន្ឋធនាគារធំបំផុត ហេតុនេះយើងបាននិងកំពុងសហការដោយឲ្យក្រុមហ៊ុននេះជួយរៀបចំប្រព័ន្ឋ Digital Internet Banking ដែលមានភាពឆ្លាតវៃបំផុត។
លោកបន្តថា “ប្រព័ន្ឋដ៏ទំនើប និងឆ្លាតវៃនេះ នឹងជួយអតិថិជនអាចប្រើប្រាស់សេវាកម្មធនាគារបានច្រើន និងប្រើប្រាស់ប្រព័ន្ឋនេះ សម្រាប់គ្រប់គ្រងសាខាក្រុមហ៊ុនរបស់ពួកគេបានដោយរលូន”។លោកបន្តថា “ធនាគារហត្ថាកំពុងវិនិយោគលើទឹកប្រាក់ជាច្រើន ដើម្បីជួយសម្រួលដល់អតិថិជនរបស់យើង និងពង្រីកទីផ្សារទៅកាន់តំបន់ និងពិភពលោកនាពេលអនាគត”។
លោកឧកញ៉ាហួត អៀងុងបន្តថា ប្រព័ន្ឋ Mobile Banking និង Digital Banking មានសារៈសំខាន់ណាស់ ដើម្បីយើងអាចដើរទាន់ការរីកចម្រើន នៃបច្ចេកវិទ្យាលើពិភពលោក ក៏ដូចជាធ្វើបច្ចុប្បន្នភាពមុនជំនួញ ឬអាជីវកម្មរបស់យើងបានល្អប្រសើរ ដើម្បីសម្រួលការប្រើប្រាស់របស់អតិថិជន និងផ្តល់ប្រយោជន៍ដល់ពួកគេបានកាន់តែច្រើនផងដែរ៕
