ដោយៈសុខុម
ភ្នំពេញ: ក្រុមហ៊ុនច្បាប់ Kudun &Partners បានតំណាងឱ្យក្រុមហ៊ុនថៃ B.Grimm Power Public Company Limited នៅក្នុងការទិញយកភាគហ៊ុន១០០% ក្នុងក្រុមហ៊ុនមួយ ដែលទទួលបានសិទ្ធិអភិវឌ្ឍគម្រោងថាមពលសូឡា ដំឡើងលើដីដំបូងបង្អស់នៅប្រទេសកម្ពុជា។
យោងតាមគេហទំព័រ Off Grid Energy Independence ចុះផ្សាយកាលពីថ្ងៃទី១៨ ឧសភាឱ្យដឹងថា នៅក្នុងគម្រោងអភិវឌ្ឍន៍ថាមពលសូឡានេះ មានការចុះកិច្ចព្រមព្រៀងទិញយកថាមពលអគ្គិសនី ទំហំ៣០មេហ្គាវ៉ាត់ជាមួយអគ្គិសនីកម្ពុជា (EDC) សម្រាប់រយៈពេល២០ឆ្នាំ។
ក្រុមហ៊ុន B.Grimm ស្ថិតក្នុងចំណោមក្រុមហ៊ុន អភិវឌ្ឍន៍ហេដ្ឋារចនាសម្ព័ន្ធដ៏ចំណា ស់បំផុត និងធំៗបំផុតនៅក្នុងប្រទេសថៃ។ នៅពេលដំណើរការទិញយកភាគហ៊ុននេះរួចរាល់ជាស្ថាពរ ក្រុមហ៊ុនច្បាប់ខាងលើនេះ នឹងនៅតែបន្តជួយដល់ក្រុមហ៊ុន B.Grimm នៅក្នុងដំណាក់កាលអភិវឌ្ឍន៍ គម្រោងរួមទាំងការរៀបចំ និងការបញ្ចប់ការសាងសង់ ព្រមទាំងកិច្ចព្រមព្រៀងផ្គត់ផ្គង់ផងដែរ។
នេះគឺជាគម្រោងថាមពលសូឡា ដែលដំឡើងនៅលើដីដ៏ធំដំបូងបង្អស់ នៅប្រទេ សកម្ពុជា និងជាគម្រោងមួយ ដើម្បីបង្កើនចំណែកទីផ្សារផលិតថាមពល កកើតឡើងវិញនៅក្នុងប្រទេស។ កម្ពុជាបាន និងកំពុងជួបការខ្វះខាតថាមពលអគ្គិសនី ដែលមានតម្រូវការកើនឡើងឥតឈប់ឈរ។
ថ្វីបើសម្បូរពន្លឺព្រះអាទិត្យយ៉ាងណាក្ដី ក៏ប្រទេសកម្ពុជា នៅតែខ្វះខាតថាមពលកកើតឡើងវិញយ៉ាងខ្លាំង ដោយបច្ចុប្បន្នថាមពលអគ្គិសនី ដែលផលិតបានពីពន្លឺព្រះអាទិ ត្យមានទំហំត្រឹមតែ១០មេហ្គាវ៉ាត់ប៉ុណ្ណោះ៕