ម៉ាឡេស៊ី​គ្រោង​វិនិយោគ​ទឹកប្រាក់​រាប់លាន​ដុល្លារ​ដំឡើង​អង់​តែ​ន៧៤២ទីតាំង​ដើម្បី​បង្កើន​សមត្ថភាព​គ្របដណ្ដប់​បណ្ដាញ​អ៊ីនធឺណិត

ដោយៈ​សុខុម

ម៉ាឡេស៊ី:  គណៈកម្មការ​ទូរគមនាគមន៍ និង​ប្រព័ន្ធ​ផ្សព្វផ្សាយ​ម៉ាឡេស៊ី (MCMC) គ្រោង​ដំឡើង​អង់​តែ​ន​ទូរគមនាគមន៍ថ្មីៗ ចំនួន៧៤២ទីតាំងនៅ​ជាយក្រុង និង​តំបន់​ជនបទ​ក្នុង​រដ្ឋ Sarawak ដោយ​ចាប់ផ្ដើម​នៅ​ដើម​ឆ្នាំនេះ។

យោងតាម​សារព័ត៌មាន The Edge Markets ចុះផ្សាយ​កាលពី​ថ្ងៃទី២៩ មេសា ឱ្យដឹងថា គម្រោង​ដែល​ស្ថិតក្រោម​ផែនការ បណ្តាញ​ឌីជីថល​ថ្នាក់ជាតិ (JENDELA) នេះ​គឺជា​ផ្នែក​មួយ​នៃ​កិច្ចខិតខំ​ប្រឹងប្រែង ដើម្បី​ធ្វើឱ្យ​ការ​គ្របដណ្តប់​សេវា​អ៊ីនធឺណិត​កាន់តែ​ប្រសើរឡើង។

ទូរគមនាគមន៍​ម៉ាឡេស៊ី បានចេញ​សេចក្ដីថ្លែងការណ៍​ក្នុង​ថ្ងៃ​ដដែល​ថា ការងារ​ដំឡើង​អង់​តែ​ន​ចំនួន១០៦ទីតាំង បានចាប់ផ្តើម​ក្នុង​ខែ​នេះ ហើយ​ការងារ​ដំឡើង​អង់​តែ​ន​ចំនួន៦៣៦ទីតាំង​ទៀត អាច​នឹង​ចាប់ផ្តើម​ក្នុង​ត្រីមាស​ទី៣ ចុងឆ្នាំ២០២១នេះ។

តាម​ការរំពឹងទុក​ថា អង់​តែ​ន​ទូរគមនាគមន៍​ទាំង៧៤២ទីតាំង​នេះ នឹង​បញ្ចប់​ទាំងស្រុង​នៅ​ត្រីមាស​ទី៤ ចុងឆ្នាំ២០២២ ដើម្បី​ផ្តល់​សេវា​អ៊ីនធឺណិត​ល្បឿន​លឿន 4G ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ទូរគមនាគមន៍​ម៉ាឡេស៊ី បញ្ជាក់ថា ស្ថានីយ​បញ្ជូន​សេវា​អ៊ីនធឺណិត​ចំនួន១.២៨៣កន្លែង​ត្រូវបាន​កែលម្អ​ឱ្យ​កាន់តែ​ប្រសើរឡើង ជាមួយ​សេវា​អ៊ីនធឺណិត​ល្បឿន​លឿន 4G កាលពី​ឆ្នាំមុន ហើយ​ស្ថានីយ​ចំនួន១.៦០៦កន្លែង​ផ្សេងទៀត កំពុងស្ថិត​ក្នុង​ដំណើរការ​កែលម្អ​នៅ​ដើមឆ្នាំ​នេះ។

ទូរគមនាគមន៍​ម៉ាឡេស៊ី និយាយថា “ក្រោម​គំនិត​ផ្តួចផ្តើម JENDELA ទូរគមនាគមន៍​ម៉ាឡេស៊ី ក៏​នឹង​អនុវត្ត​គំនិត​ផ្តួចផ្តើម​នានា ដើម្បី​ផ្តល់​សេវា​អ៊ីនធឺណិត​លើ​រលកអាកាស​តាមរយៈ​ផ្កាយរណប ដោយ​ក្នុងនោះ​ចំនួន៥២៣ទីតាំង ត្រូវ​បានកំណត់​នៅក្នុង​រដ្ឋ Sarawak ហើយ​ពេលនេះ​កំពុងស្ថិត​ក្នុងដំណាក់កាល​វាយតម្លៃ​ការដេញថ្លៃ” ។

សម្រាប់​គម្រោង​នេះ ទូរគមនាគមន៍​ម៉ាឡេស៊ី គ្រោង​សម្រេច​គោលដៅ​ដំឡើង​អង់​តែ​ន​ឱ្យបាន៤៣.០១៣ទីតាំងនៅ​ក្នុង​រដ្ឋ Sarawak ដើម្បី​ទទួលបាន​បណ្ដាញ​ខ្សែកាប​អុ​ប​ទិ​ក​សម្រាប់​ផ្តល់​សេវា​អ៊ីនធឺណិត​ល្បឿន​លឿន៕

LEAVE A REPLY

Please enter your comment!
Please enter your name here