ADB: ឡាវស្ថិតក្នុងចំណោមប្រទេសមានអតិផរណាខ្ពស់បំផុតនៅអាស៊ីអាគ្នេយ៍ប្រចាំឆ្នាំ២០២២

ដោយ៖ សុខុម

បាងកក: របាយការណ៍ចុងក្រោយរបស់ធនាគារអភិវឌ្ឍន៍អាស៊ី ADB បង្ហាញថា ការព្យាករអតិផរណាសម្រាប់តំបន់អាស៊ីអាគ្នេយ៍ ប្រចាំឆ្នាំ២០២២ ត្រូវបានដំឡើងយ៉ាងខ្លាំងពី៣,៧%ដល់៤,៧%។

នេះបើយោងតាមសារព័ត៌មាន The Nation ចុះផ្សាយនៅថ្ងៃសុក្រ ទី២៩ ខែកក្កដា នេះ។

របាយការណ៍ដែលមានឈ្មោះថា “ទស្សនៈវិស័យអភិវឌ្ឍន៍អាស៊ី ប្រចាំឆ្នាំ២០២២” (Asian Development Outlook (ADO) 2022) របស់ធនាគារ ADB បង្ហាញថា ប្រទេសឡាវ ស្ថិតក្នុងចំណោមបណ្ដាប្រទេសដែលមានអត្រាអតិផរណាខ្ពស់បំផុតនៅក្នុងតំបន់ ខណៈទំនិញបានហក់ឡើងថ្លៃរហូតដល់ទៅ២៣,៦%ក្នុងខែមិថុនា។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ទន្ទឹមនឹងនេះ អត្រាអតិផរណាដែលបានកត់ការណ៍ក្នុងបណ្ដាប្រទេសអាស៊ាន ផ្សេងទៀតសម្រាប់ខែដដែលនេះរួមមានប្រទេសថៃ (៧,៧%) វៀតណាម (៣,៤%) ហ្វីលីពីន (៦,១%) និងឥណ្ឌូនេស៊ី (៤,៣%)។

ធនាគារ ADB ក៏បានកែប្រែអតិផរណាសម្រាប់ឆ្នាំក្រោយពី៣,១%ទៅ៣,៤%ផងដែរ។ អត្រាអតិផរណាកាន់តែខ្ពស់សម្រាប់ទាំង២ឆ្នាំនេះ គឺដោយសារតែថាមពល និងចំណីអាហារហក់ឡើងថ្លៃខ្លាំង និងការអាក់ខានខ្សែសង្វាក់ផ្គត់ផ្គង់។ ការព្យាករអតិផរណាសម្រាប់ប្រទេសឥណ្ឌូនេស៊ី សម្រាប់ឆ្នាំ២០២២ ត្រូវបានដំឡើងពី៣,៦%ទៅ៤%។

ទន្ទឹមនឹងនេះ ការព្យាករអតិផរណាសម្រាប់ប្រទេសថៃ ត្រូវបានដំឡើងពី៣,៣%ទៅ៦,៣%សម្រាប់ឆ្នាំ២០២២ និងពី២,២%ទៅ២,៧%សម្រាប់ឆ្នាំ២០២៣៕

LEAVE A REPLY

Please enter your comment!
Please enter your name here