តម្លៃឧស្ម័ននៅតំបន់អាស៊ីមានការកើនឡើងខ្ពស់ចំពេលតម្រូវការមានការស្ទុះឡើង

ដោយ:លាងហួរ

អាស៊ីៈ តម្លៃឧស្ម័នធម្មជាតិរាវ (LNG) នៅតំបន់អាស៊ីបានកើនឡើងក្នុងសប្តាហ៍នេះ ខណៈកំណើនតម្រូវការបន្តកើនឡើងពីប្រទេសជប៉ុន កូរ៉េ និងឥណ្ឌា។

ការកើនឡើងនៃការប្រកួតប្រជែងតម្លៃឧស្ម័ន បានកាត់បន្ថយនូវការកើនឡើង ជាមួយនឹងតម្លៃឧស្ម័ននៅអឺរ៉ុបនៅមជ្ឈមណ្ឌល TTF របស់ប្រទេសហូឡង់ ដែលតម្លៃបានធ្លាក់ចុះ បន្ទាប់ពីមានការព្រួយបារម្ភ លើការឃាំងការនាំចូលឧស្ម័នរបស់រុស្ស៊ីបន្ថែមទៀត។

ប្រភពឧស្សាហកម្មបានអោយដឹងថា តម្លៃ LNG ជាមធ្យមសម្រាប់ការចែកចាយខែកក្កដា ទៅកាន់តំបន់អាស៊ីភាគឦសាន LNG-AS ត្រូវបានប៉ាន់ប្រមាណថាមានតម្លៃ២៤.៧៥ដុល្លារក្នុងមួយម៉ែត្រគូប។

លោក Alex Froley អ្នកវិភាគ LNG នៃក្រុមហ៊ុនទិន្នន័យសម្ងាត់ ICIS បានមានប្រសាសន៍ថា នាពេលថ្មីៗនេះ តម្លៃឧស្ម័នមានស្ថេរភាព ធៀបនឹងការប្រែប្រួលនៃខែមុន ទោះបីជានៅតែមានតម្លៃខ្ពស់ក៏ដោយ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

នៅក្នុងប្រទេសចិន អ្នកទីផ្សារកំពុងរង់ចាំមើលថា តើការបន្ធូរបន្ថយការទប់ស្កាត់ជំងឺរាតត្បាត នឹងជម្រុញអោយតម្រូវការឧស្ម័នកើនឡើងខ្ពស់ដែរទេ។

លោក Froley បានមានប្រសាសន៍ថា ការនាំចូល LNG របស់ប្រទេសចិនរហូតដល់ចុងខែឧសភា បានធ្លាក់ចុះចំនួន៦.៥លានតោន ឬ២០% ពីឆ្នាំមុន ដែលស្មើនឹងឧស្ម័នបំពង់ចំនួន៩ពាន់លានម៉ែត្រគូប៕

LEAVE A REPLY

Please enter your comment!
Please enter your name here