សម្តេចតេជោៈសេដ្ឋកិច្ចកម្ពុជាបានរងផលប៉ះពាល់ដោយសារជំងឺកូវីដនិងសង្រ្គាមរុស្ស៊ី អ៊ុយក្រែន

 ដោយៈម៉ាលីនណា

ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងថាសេដ្ឋកិច្ចកម្ពុជាកំពុងរងផលប៉ះពាល់ ដោយសារជំងឺកូវីដ១៩ ហើយអាចប៉ះពាល់បន្ថែមទៀត ដោយសារសង្គ្រាមរុស្ស៉ី-អ៊ុយក្រែន។

សម្តេចតេជោបានមានប្រសាសន៍បែបនេះ ក្នុងពិធីសម្ភោធដាក់ឲ្យដំណើរការផ្លូវេះជាតិលេខ៣នាព្រឹកថ្ងៃទី២ មិនានេះ។ សម្តេចបានបន្តថា រុស្ស៉ី និងអ៊ុយក្រែន នឹងយោគយល់ចំពោះគោលជំហររបស់កម្ពុជា ហើយនឹងគ្មានការចាប់បង្ខំកម្ពុជា ឱ្យជ្រើសយកភាគីនេះឬភាគីនោះ។

សម្តេចតេជោ ហ៊ុន សែន បានថ្លែងថា សង្គ្រាមរុស្ស៉ី និងអ៊ុយក្រែន ក្លាយទៅជាការដាក់បន្ទុកបន្ថែមសម្រាប់សេដ្ឋកិច្ចពិភពលោក ខណៈកំពុងញ៉ាំញីដោយជំងឺកូវីដ១៩។

សម្តេចតេជោ ហ៊ុន សែន បានថ្លែងថា “ប្រសិនបើសង្គ្រាមរុស្ស៉ី និងអ៊ុយក្រែន ឈានដល់ការប្រើនុយក្លេអ៊ែរ នោះអឺរ៉ុប រុស្ស៉ី និងអាមេរិកផង អាចនឹងខ្ទេចខ្ទី”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ជាមួយគ្នានេះ សម្តេចនៅតែមានសុទិដ្ឋិនិយមថា រុស្ស៊ី និងអ៊ុយក្រែននៅតែមានពេលវេលា និងលទ្ឋភាពក្នុងការចចារបន្ថែមទៀត ដើម្បីបញ្ចប់​វិបត្តិនេះ៕

 

LEAVE A REPLY

Please enter your comment!
Please enter your name here