អ្នកជំនាញសេដ្ឋកិច្ចៈកត្តាពីរនឹងជួយជម្រុញកំណើនសេដ្ឋកិច្ចកម្ពុជា

ដោយៈគង់ ម៉ាលីនណា

 ភ្នំពេញៈ អ្នកជំនាញសេដ្ឋកិច្ចកម្ពុជាបានអះអាងថា សេដ្ឋកិច្ចកម្ពុជានឹងមានកំនើនល្អប្រសើរ ស្របពេលការព្យាករណ៍របស់រដ្ឋាភិបាល បានឲ្យដឹងថា សេដ្ឋកិច្ចកម្ពុជឆ្នាំនេះនឹងសម្រេចបានកំនើន៥,៦ភាគរយ។

លោកឈាង វណ្ណារិទ្ឋប្រធានវិទ្យាស្ថានចក្ខុវិស័យអាស៊ី បានមានប្រ​សាសន៍ឲ្យដឹងកាលពីសប្តាហ៍មុនថា កំណើនសេដ្ឋកិច្ចកម្ពុជានៅឆ្នាំនេះរំពឹងថា សម្រេចបានក្នុងអត្រា៥,៦ភាគរយ ដែលគាំទ្រដោយការកើនឡើងនៃតម្រូវការខាងក្រៅ និងទំនុកចិត្តវិនិយោគ គួបផ្សំនិងការដាក់ចេញឲ្យអនុវត្តក្រមខ័ណ្ឌយុទ្ធសាស្រ្ត និងកម្មវិធីស្តារកំណើនសេដ្ឋកិច្ចកម្ពុជា សម្រាប់ឆ្នាំ ២០២១-២០២៣។

ការងើបឡើងវិញពីនូវស័យកាត់ដេរ កម្មន្តសាលមិនមែនកាត់ដេរ កសិកម្ម ជាពិសេសវិស័យទេសចរណ៍។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកបន្តថា ការហក់ឡើងវិញនៃកំណើនសេដ្ឋកិច្ចនេះ គាំទ្រដោយកត្តាសំខាន់ៗពីរ ដូចជា ទី១ ការងើបឡើងវិញនៃតម្រូវការសកល និងការកើនឡើងថ្លៃកសិផលលើទីផ្សារអន្តរជាតិ ដែលបានជំរុញកំណើនវិស័យកាត់ដេរ វិស័យកម្មន្តសាលមិនមែនកាត់ដេរ កសិកម្ម(ដំណាំ) ជាដើម។ ទី២ ការសម្រេចបាននៃអត្រាចាក់វ៉ាសាំងខ្ពស់ ដែលបានបង្កើតភាពស៊ាំក្នុងសហគមន៍ និងបើកប្រទេសឡើងវិញជាផ្លូវការ ដែលជារួមបានជំរុញសកម្មភាពពាណិជ្ជកម្ម ធុរកិច្ចក្នុងស្រុកឲ្យត្រឡប់ទៅប្រក្រតីភាពវិញ។

លោកឧបនាយករដ្ឋមន្រ្តី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច បានលើកឡើងថា ការងើបឡើងវិញនៃជំងឺកូវីដ-១៩ បំប្លែងថ្មីអូមីក្រុង ក្នុងប្រទេ​ស បានបង្កជាបញ្ហាប្រឈមមួយ ដែលអាចនឹងរាំងស្ទះការងើបឡើងវិញ នូវសកម្មភាពពាណិជ្ជកម្ម-ធុរកិច្ច និងបង្កឲ្យមានការភ័យខ្លាចដល់សាធារណជន។

យោងតាមរបាយការណ៍​ជំនួយស្មារតី​មួយ ​របស់ធនាគារ​ពិភពលោក បាន​ចេញផ្សាយ​កាលពី​ថ្ងៃទី​៣១ ខែមករា ឆ្នាំ ២០២២ បានឲ្យដឹងថា សេដ្ឋកិច្ច​ប្រទេស​កម្ពុជា ​ស្ថិតនៅ​ក្នុងចំណោម​សេដ្ឋកិច្ច​តំបន់​អាស៊ី​បូព៌ា ដែល​រង​ការខូចខាត​យ៉ាងដំណំ​ពី​ការ​រាតត្បាត​នៃ​ជំងឺ​កូវីដ​ ១៩ ប៉ុន្តែ​ប្រទេស​នេះ ​អាច​ស្តារ​សេដ្ឋកិច្ច​ ឲ្យមាន​កំណើន​ទៀងទាត់​ឡើងវិញ​បាន​ តាមរយៈ​ការបង្កើន​ផលិតភាព​របស់​ក្រុមហ៊ុន និង​ពលករ​ ការពង្រីក​ពិពិធភាព​ក្នុង​ផ្នែក​នាំចេញ និង​ចាត់វិធានការ​នានា​ ឈានទៅ​ជំរុញ​ការវិនិយោគ​ក្នុងស្រុក​៕

LEAVE A REPLY

Please enter your comment!
Please enter your name here