អ្នកឧកញ៉ាគិត ម៉េង ពង្រីក WingMall ទៅកាន់ខេត្តសំខាន់ៗចំនួនបីបន្ថែមទៀត

ដោយៈសុផារី

ភ្នំពេញៈ WingMall ពង្រីកសាខាទៅកាន់ខេត្តសំខាន់ៗ ចំនួនបីបន្ថែមទៀត គឺខេត្តកំពង់ចាម ខេត្តបាត់ដំបង និងខេត្តព្រះសីហនុ ក្រោយពីបានបើកបើកដំណើរការសេវាកម្មរបស់ខ្លួនក្នុងខេត្តសៀមរាប កាលពីថ្ងៃទី២៩ ខែកក្កដា ឆ្នាំ២០២១ កន្លងមក។

អ្នកឧកញ៉ាគិត ម៉េង ប្រធានសភាពាណិជ្ជកម្មកម្ពុជា និងជាអគ្គនាយកក្រុមហ៊ុនបា​ន​មានប្រសាសន៍ថា “ ការបើកដំណើរការសេវាកម្មបន្ថែមនេះ នឹងផ្តល់នូវបទពិសោធន៍ទិញទំនិញប្រកបដោយសុវត្ថិភាព និងតម្លៃធូរជាងសម្រាប់ពាណិជ្ជករ ជាមួយនឹងការដឹកជញ្ជូនដោយឥតគិតថ្លៃដល់អតិថិជនច្រើនជាងមុន”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

អ្នកឧកញ៉ាបានអះអាងថា វីងម៉លកំពុងកសាងសេដ្ឋកិច្ចបើកចំហនៅកម្ពុជា តាមរយៈការបង្កើតអត្ថប្រយោជន៍ កាន់តែច្រើនសម្រាប់ពាណិជ្ជករ អតិថិជន និងសហគមន៍ទាំងមូលរបស់យើង។ ជាមួយនឹងសេវាកម្មបន្ថែម ដៃគូរបស់យើងនឹងអាចបង្កើនបរិមាណលក់របស់ពួកគាត់ តាមរយៈការដឹកជញ្ជូនពីផ្ទះ ខណៈពេលដែលអតិថិជនរបស់យើងក៏អាចមានអារម្មណ៍សុវត្ថិភាព ក្នុងការទិញទំនិញដែលពួកគាត់ចូលចិត្ត ពីផ្ទះរបស់ពួកគាត់ ជាពិសេសរួមទាំងមានការដឹកជញ្ជូនដោយឥតគិតថ្លៃផងដែរ។

អ្នកឧកញ៉ាបានមានប្រសាសន៍បន្ថែមថា “អាហារមិនត្រឹមតែសំខាន់ប៉ុណ្ណោះទេ ប៉ុន្តែអាហារគឺជានិមិត្តរូបនៃសេចក្ដីស្រឡាញ់ និងការយកចិត្តទុកដាក់បំផុត។ អាហារមិនត្រឹមតែបំពេញក្រពះរបស់យើងប៉ុណ្ណោះនោះទេ ប៉ុន្តែវាបំពេញបេះដូងរបស់យើងថែមទៀតផងដែរ”។

អ្នកឧកញ៉ាគិត ម៉េងបានបន្តថា “ បេសកកម្មចម្បងរបស់ Wingmall គឺដើម្បីធានាថាក្រពះ និងបេះដូងរបស់អ្នកត្រូវបានទទួលការយកចិត្តទុកដាក់ និងពោរពេញដោយសេចក្តីស្រឡាញ់ដោយមិនមានការរំខាន”៕

LEAVE A REPLY

Please enter your comment!
Please enter your name here