ដោយៈ ម៉ាណេត
អន្តរជាតិៈ សន្និសីទអន្តរជាតិនាពេលថ្មីៗនេះនៅខេត្ត Binh Duong ប្រទេសវៀតណាម ជំរុញឱ្យបណ្តាប្រទេសអាស៊ានចាំបាច់ ត្រូវតែប្រកាន់ខ្ជាប់នូវបច្ចេកវិទ្យាផលិតកម្មបៃតង (green manufacturing technologies) ដើម្បីបង្កើតផលិតផលនិងសេវាកម្មថ្មីប្រកបដោយនិរន្តរភាព។ នេះបើយោងតាមការចេញផ្សាយរបស់សារព័ត៌មាន VNA នៅថ្ងៃទី២៥ ខែមីនា ឆ្នាំ២០២១ ។
លោកបណ្ឌិត Michael Braun អ្នកសម្របសម្រួលគម្រោងសន្ទនាអាស៊ាន- អស៊ានបានថ្លែងប្រាប់សន្និសីទស្តីពី “សហប្រតិបត្ដិការជាមួយអឺរ៉ុប សម្រាប់បច្ចេកវិទ្យាផលិតកម្មបៃតង” ថាវាមានសារៈសំខាន់ណាស់ ដើម្បីជំរុញកិច្ចសហប្រតិបត្តិការបច្ចេកវិទ្យារវាងប្លុកអឺរ៉ុប និងអាស៊ីអាគ្នេយ៍ ដើម្បីផលប្រយោជន៍គ្នាទៅវិញទៅមក។
លោកបាននិយាយថា “បណ្តាប្រទេសអាស៊ាន បាននិងកំពុងក្លាយជាមូលដ្ឋានផលិតកម្មដ៏សំខាន់ នៅក្នុងខ្សែសង្វាក់ផ្គត់ផ្គង់ពិភពលោក។លោកបានថ្លែងថា “តម្រូវការ ដែលកំពុងកើនឡើង សម្រាប់ភាពអំណោយដល់បរិស្ថាន ផលិតផល និងផលិតកម្ម ដែលទាមទារនូវប្រសិទ្ធិភាព និងថាមពល បានបង្កើតភាពចាំបាច់សម្រាប់បច្ចេកវិទ្យាផលិតកម្មបៃតងថ្មី” ។
លោកបានបន្តថា ជាមួយនឹងបច្ចេកវិទ្យាដ៏សម្បូរបែប និងការស្រាវជ្រាវ សហគ្រាសច្នៃប្រឌិតថ្មី និងយុទ្ធសាស្ត្រកំណើនបៃតង អឺរ៉ុប គឺជាប្រភពដ៏សំខាន់នៃបច្ចេកវិទ្យាបៃតង។លោកបានថ្លែងទៀតថា “បច្ចេកវិទ្យាបៃតងគឺជាគន្លឹះសំខាន់ សម្រាប់ផលិតផល សេវាកម្ម និងដំណើរការផលិតថ្មីប្រកបដោយនិរន្តរភាព និងមានសារៈសំខាន់សម្រាប់ការសម្រេចបាននូវកំណើនបៃតង” ។
សម្រាប់ប្រទេសជាសមាជិកអាស៊ាន បច្ចេកវិទ្យាបៃតងនឹងជួយឱ្យការប្រើប្រាស់ធនធានធម្មជាតិ និងថាមពលឱ្យបានល្អបំផុត និងការពារសុខភាព និងសុខុមាលភាពរបស់កម្មករ និងអ្នកប្រើប្រាស់។
លោក Hans Farnhammer ប្រធានសហប្រតិបត្តិការ សម្រាប់ប្រតិភូសហភាពអឺរ៉ុបប្រចាំឥណ្ឌូណេស៊ី ប្រ៊ុយណេដារូសាឡឹម និងអាស៊ានបានមានប្រសាសន៍ថា “ផលិតកម្មបៃតងបានក្លាយជាស្នូល នៃការអភិវឌ្ឍប្រកបដោយចីរភាព” ។
លោកសាស្ត្រាចារ្យ Reginald Beng Hee នៃសាកលវិទ្យាល័យជាតិសឹង្ហបូរីបាននិយាយថា “ខេត្ត Binh Duong បានក្លាយជាគោលដៅបន្ទាប់ នៃការផ្ទេរបច្ចេកវិទ្យាបៃតង” ៕