ដោយៈគង់ សូរិយា
ភ្នំពេញៈ ក្រសួងពាណិជ្ជកម្ម បានដឹកនាំកិច្ចប្រជុំអន្តរក្រសួងតាមប្រព័ន្ធវីដេអូ ដើម្បីពិភាក្សាលើរបៀបវារៈសំខាន់ៗចំនួន៤ ដើម្បីធ្វើការរួមគ្នារវាងក្រុមជំនាញកម្ពុជា និងគណកម្មកាអឺរ៉ុប ដោយបង្ហាពីកាលានុវត្តន៍ភាពនៃការវិនិយោគនៅកម្ពុជា។
កិច្ចប្រជុំនេះបានដឹកនាំដោយលោក សំហេង បូរ៉ា អនុរដ្ឋលេខាធិការក្រសួងពាណិជ្ជកម្ម ដើម្បីពិភាក្សាលើរបៀបវារៈចំនួន៤ រួមមានទី១ របៀបវារៈសម្រាប់កិច្ចប្រជុំក្រុមជំនាញរវាងកម្ពុជា និងគណៈកម្មការសេដ្ឋកិច្ចអឺរ៉ុប-អាស៊ី (គ.ស.អ.អ) ទី២ បទបង្ហាញស្តីពីកាលានុវត្តភាពពាណិជ្ជកម្ម និងវិនិយោគនៅកម្ពុជា ទី៣ សេចក្តីព្រាងសង្ខេបលទ្ធផលនៃកិច្ចពិភាក្សា (Summary of Discussion) និងទី៤ សំណួរពាក់ព័ន្ធបញ្ហាបច្ចេកទេសសម្រាប់ ពិភាក្សាជាមួយក្រុមជំនាញ គ.ស.អ.អ ។
គោលបំណងនៃកិច្ចប្រជុំ គឺពិនិត្យលើវឌ្ឍនភាពការងារ និងប្រមូលធាតុចូលនានា ពីអន្តរក្រសួង-ស្ថាប័ន ដែលពាក់ព័ន្ធនឹងកិច្ចសហប្រតិបត្តិការរវាងកម្ពុជា និងគណៈកម្មការសេដ្ឋកិច្ចអឺរ៉ុប-អាស៊ី (EEC: Eurasian Economic Commission) ដើម្បីត្រៀមរៀបចំកិច្ចប្រជុំក្រុមជំនាញ រវាងកម្ពុជា និង គ.ស.អ.អ នឹងប្រព្រឹត្តទៅនាថ្ងៃទី១០ ខែមីនា ឆ្នាំ២០២១ តាមប្រព័ន្ធវីដេអូ។
លោកសំហេង បូរ៉ាបានជម្រាបជូនអង្គប្រជុំ ឱ្យបានជ្រាបអំពីសាវតា និងលទ្ធផលនៃកិច្ចសហប្រតិបត្តិការរវាងកម្ពុជា និងគ.ស.អ.អ កន្លងមក។ អង្គប្រជុំបានពិភាក្សានិងផ្លាស់ប្តូរយោបល់លើរបៀបវារៈនៃកិច្ចប្រជុំ រួមមាន (I)បទបង្ហាញស្តីពីកាលានុវត្តភាពពាណិជ្ជកម្មនិងវិនិយោគនៅកម្ពុជា (II) សេចក្តីព្រាងសង្ខេបលទ្ធផលនៃកិច្ចពិភាក្សា(Summary of Discussion) និង(III) របៀបវារៈសម្រាប់កិច្ចប្រជុំក្រុមជំនាញរវាងកម្ពុជា និង គ.ស.អ.អ។
ប្រធានបទសំខាន់ៗចំនួន៦៖ (1) នីតិវិធីគយ (2)បច្ចុប្បន្នភាពនៃប្រព័ន្ធអនុគ្រោះពន្ធរបស់EEC ផ្តល់ជូនកម្ពុជា និងនីតិវិធីនៃដំណើរការបង្កើត កិច្ចព្រមព្រៀងពាណិជ្ជកម្មសេរីរវាងភាគីទាំងពីរ (3) វិធានអនាម័យនិងភូតគាមអនាម័យ (4)សកម្មភាពពាក់ព័ន្ធសហគ្រិនភាព (5)គោលនយោបាយកសិ-ឧស្សាហកម្ម និង(៦)ការដឹកជញ្ជូន ជាអ្វីដែលបានលើកយកមកពិភាក្សាផងដែរ៕