ដោយ:គង់ សូរិយា
ភ្នំពេញៈ សភាពាណិជ្ជកម្មកម្ពុជា សហការជាមួយអង្គការGIZបានសហការគ្នាលើកកំពស់ការបណ្តុះបណ្តាលដល់ម្ចាស់សហគ្រាសធុនតូច និងមធ្យម(SME) ដែលជាផ្នែកមួយនៃឆ្អឹងខ្នងនៃសេដ្ឋកិច្ចជាតិ។
លោក ពៅ ជា អនុប្រធានសភាពាណិជ្ជកម្មខេត្តបាត់ដំបង តំណាងឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង បានមានប្រសាសន៍បើកសិក្ខាសាលាកាលពីពេលថ្មីៗ ដោយបានបង្ហាញពីបេសកកម្ម តួនាទីភារ:កិច្ច ផែនការសកម្មភាព និងអត្ថប្រយោជន៍ចូលជាសមាជិក សភាពាណិជ្ជកម្មខេត្តបាត់ដំបង។ បន្ទាប់មកយើង ក៏មានសកម្មភាពពិគ្រោះយោបល់ជាក្រុមតូច និងប្រមូលគំនិតមតិយោបល់ និងកត្តាប្រឈមផ្សេងៗពីម្ចាស់អាជីវម្មដើម្បីពិភាក្សារកដំណោះស្រាយផងដែរ។
គោលំណងក្នុងកម្មសិក្ខាសាលានេះ ដើម្បីតភ្ជាប់ម្ចាស់អាជីវកម្ម សហគ្រាសទៅនឹងសភាពាណិជ្ជកម្ម ដែលជាតំណាងវិស័យឯកជនក្នុងខេត្ត។ បង្ហាញពីតួនាទី និងសកម្មភាពគាំទ្ររបស់សភាពាណិជ្ជកម្មខេត្ត ក្នុងការលើកកម្ពស់អាជីវកម្មក្នុងខេត្ត។ ប្រមូលធាតុចូលបន្ថែមសម្រាប់រៀបចំផែនការសកម្មភាព និងយុទ្ធសាស្រ្តរបស់សភាពាណិជ្ជកម្មខេត្តឆ្នាំ២០២១។ បង្កើត និងពង្រឹងទំនាក់ទំនងរវាងម្ចាស់អាជីវកម្ម និងម្ចាស់អាជីវកម្ម ព្រមទាំងម្ចាស់អាជីវកម្ម និងសភាពាណិជ្ជកម្មខេត្ត៕
