ដោយ: សហសេវិក
អន្តរជាតិ: បណ្តាក្រុមហ៊ុនអភិវឌ្ឍន៍នៅក្នុងប្រទេសសិង្ហបុរីបានលក់ផ្ទះឯកជនថ្មីចំនួន ៧៣១ ខ្នងក្នុងខែកក្កដា កើនឡើងជិត៥ដងបើធៀបនឹងផ្ទះចំនួន១៥៦យូនីតដែលត្រូវបានលក់ចេញក្នុងខែមិថុនា។
គម្រោងលំនៅឋានធំៗចំនួនពីរត្រូវបានដាក់លក់នៅក្នុងខែកក្កដា រួមមានគម្រោង Dunearn House និងគម្រោង Lentor Gardens Residences ដែលបានជំរុញការផ្គត់ផ្គង់ថ្មីៗចូលទៅកាន់ទីផ្សារ។
នៅក្នុងខែកក្កដា ឆ្នាំ២០២៦ បណ្តាអ្នកអភិវឌ្ឍន៍អចលនទ្រព្យបានដាក់លក់លំនៅឋានចំនួន៨៨៩យូនីតដោយមិនរាប់បញ្ចូលខុនដូ (executive condominiums)។
សម្រាប់ពេញមួយឆ្នាំ២០២៦ អ្នកអភិវឌ្ឍន៍ត្រូវបានគេរំពឹងថា នឹងដាក់ឱ្យដំណើរការផ្ទះឯកជនសរុបចំនួន ៧០០០ ខ្នង ដែលជាកម្រិតទាបបំផុតចាប់តាំងពីឆ្នាំ ២០២៣ ហើយតម្លៃផ្ទះនឹងកើនឡើងចន្លោះពី២ភាគរយទៅ៥ភាគរយ។
ក្រុមហ៊ុនប្រឹក្សាអចលនទ្រព្យ CBRE រំពឹងថាផ្ទះថ្មីចំនួន៧.៥០០យូនីតទៅ៨.៥០០យូនីតនឹងត្រូវបានលក់នៅឆ្នាំនេះ ដែលគាំទ្រដោយធនធានរឹងមាំរបស់គ្រួសារ អត្រាគ្មានការងារធ្វើទាប និងអត្រាការប្រាក់លើកម្ចីទិញផ្ទះមានកម្រិតទាប៕
