ដោយៈ ចំណាន
កណ្តាលៈ ស្ថិតនៅតំបន់ ដែលកំពុងរីកចម្រើនលឿន ជាមួយសក្តានុពលប្រជាសាស្រ្ត ហេដ្ឋារចនាសម្ព័ន្ធ និងការតភ្ជាប់ គម្រោងVictoria Parkបាននិងកំពុងឆ្ពោះទៅមុខជាមួយសុទិដ្ឋិនិយម។
ជាមួយនឹងការបញ្ចប់ការសាងសង់ចំណតយានយន្ត និងការិយាល័យលក់ បច្ចុប្បន្នអតិថិជនជាច្រើនបានចាប់អារម្មណ៍កក់ និងទិញដីនៅក្នុងគម្រោងនេះបណ្តើរហើយ ដោយពួកគេជឿជាក់ពីមូលដ្ឋានរឹងមាំរបស់អ្នកអភិវឌ្ឍន៍ ដែលមានជំនាញ ចក្ខុវិស័យ និងមូលដ្ឋានទុនរឹងមាំ។
លោកបណ្ឌិតតេង រិទ្ធីអគ្គនាយកគំរោងទីក្រុងVictoria Parklandបានមានប្រសាសន៍ឲ្យដឹង តាមបណ្តាញតេឡេក្រាមកាលពីដើមសប្តាហ៍នេះថា ការចេញដំណើរនាពេលនេះ វាបង្ហាញពីការប្តេជ្ញាចិត្ត ទំនុកចិត្ត និងមូលដ្ឋានគ្រឹះរឹងមាំរបស់យើង ព្រោះមានតែគំរោងល្អ និងក្រុមហ៊ុនខ្លាំងទេ ទើបយើងឈរជើងបានរឹងមាំនៅក្នុងទីផ្សារ។
លោកបញ្ជាក់ថា “មនុស្សមួយចំនួនពួកគេនិយាយពីបញ្ហា ប៉ុន្តែយើងមើលឃើញឱកាស និងនិយាយពីឱកាស ហើយអ្នកវិនិយោគជាច្រើន ដែលបានទិញគំរោងរបស់យើងបានជឿជាក់ លើផែនការអភិវឌ្ឍន៍គំរោងមួយនេះ”។
គម្រោងទីក្រុងVictoria Parkland មានទីតាំងស្ថិតនៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។ គំរោងនេះ នឹងមានការអភិវឌ្ឍន៍ចម្រុះដូចជា ដីឡូវីឡា ដែលមានទំហំ២០គុណ៣០ម៉ែត្រ ទំហំរហូតដល់២០០០ម៉ែត្រការ៉េ គំរោងខុនដូ ផ្សារទំនើប ផ្ទះអាជីវកម្ម អាគារការិយាល័យ សណ្ឋាគារជាដើម។
លោកបណ្ឌិតតេង រិទ្ធីបានបង្ហាញសុទិដ្ឋិនិយមថា ក្រុមហ៊ុនបាននិងកំពូងផ្តោតលើការអភិវឌ្ឍប្រកបដោយគុណតម្លៃ ដែលទាំងអ្នកវិនិយោគ និងអ្នកអភិវឌ្ឍន៍ទទួលបានផលប្រយោជន៍រួមគ្នា ពីគម្រោងនេះ ដោយមិនគិតឈ្នះតែអ្នកអភិវឌ្ឍន៍ម្នាក់ឯងឡើយ៕
