ដោយៈ ចំណាន
ភ្នំពេញៈ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអញ្ជើញដឹកនាំកិច្ចប្រជុំវឌ្ឍនភាពការងាររបស់នាយកដ្ឋានចុះបញ្ជីពាណិជ្ជកម្ម នៃអគ្គនាយកដ្ឋានពាណិជ្ជកម្មក្នុងប្រទេស។
កិច្ចប្រជុំនេះ រៀបចំឡើងក្នុងគោលបំណង ដើម្បីពិនិត្យវឌ្ឍនភាពនៃការងារចុះបញ្ជីពាណិជ្ជកម្ម ការបន្តជំរុញការអនុវត្តច្បាប់ និងការរៀបចំបទដ្ឋានគតិយុត្តពាក់ព័ន្ធ នឹងការងារចុះបញ្ជីពាណិជ្ជកម្ម ដើម្បីលើកកម្ពស់បន្ថែមទៀតនូវអនុលោមភាព សុចរិតភាព និងតម្លាភាព នៃការធ្វើធុរកិច្ច ស្របតាមច្បាប់ និងបទដ្ឋានគតិយុត្តិ ជាធរមាននៅព្រះរាជាណាចក្រកម្ពុជា៕
