ដោយៈគង់ លាងហួរ
ម៉ាឡេស៊ីៈ សេដ្ឋវិទូមួយចំនួនបានព្យាករថា កំណើនសេដ្ឋកិច្ចរបស់ប្រទេសម៉ាឡេស៊ីនឹងបន្តធ្លាក់ចុះក្នុងឆ្នាំ២០២១នេះ ក្រោយពីប្រទេសនេះ បានប្រកាសអនុវត្តវិធានការតឹងរឹង ដើម្បីទប់ស្កាត់ការកើនឡើងថ្មីៗនៃករណីជំងឺកូវីដ១៩ ។ នេះបើយោងតាមការចេញផ្សាយរបស់សារព័ត៌មាន CNBC នៅថ្ងៃទី១៤ ខែមករា ឆ្នាំ២០២១ ។
រដ្ឋាភិបាលប្រទេសម៉ាឡេស៊ី បានដាក់បម្រាមលើការហាមឃាត់ ការធ្វើដំណើរពីរដ្ឋមួយទៅរដ្ឋមួយទូទាំងប្រទេស និងបានបិទរដ្ឋចំនួន៦ សម្រាប់រយៈពេល២សប្តាហ៍ ចាប់ផ្ដើមពីថ្ងៃពុធម្សិលមិញ។ ប្រទេសម៉ាឡេស៊ី ក៏បានប្រកាសដាក់ប្រទេសក្នុងគ្រាអាសន្ន ដែលនឹងអូសបន្លាយដល់ថ្ងៃ១ខែ សីហាឆ្នាំនេះ រឺមុនខែសីហា ប្រសិនបើករណីអ្នកឆ្លងជំងឺកូវីដ១៩មានការថយចុះ។
ប្រទេសម៉ាឡេស៊ីគឺជាប្រទេស ដែលមានសេដ្ឋកិច្ចធ្លាក់ចុះខ្លាំងបំផុត នៅក្នុងចំណោមប្រទេស ដែលជាសមាជិកអាស៊ីនាចុងឆ្នាំនេះ។
មូលនិធិរូបិយវត្ថុអន្តរជាតិ បានព្យាករកាលពីខែតុលា ឆ្នាំមុនថា សេដ្ឋកិច្ចប្រទេសម៉ាឡេស៊ីនឹងថយចុះដល់៦% ក្នុងឆ្នាំ២០២០ ខណៈសេដ្ឋកិច្ចប្រទេសនេះបានកើនឡើង៤.៣%ក្នុងឆ្នាំ២០១៩ ។
លោក ALEX Holmes ជាសេដ្ឋវិទូនៅក្រុមហ៊ុន Capital Economics បាននិយាយក្នុងរបាយការណ៍កាលពីថ្ងៃអង្គារថា ការបិទទ្វារទីក្រុងមិនឱ្យចេញចូល នារយៈពេលចុងក្រោយនេះ ទំនងជាប៉ះពាល់ដល់សេដ្ឋកិច្ចយ៉ាងធ្ងន់ធ្ងរ។ លោកបានចង្អុលបង្ហាញពីរដ្ឋចំនួន៦ ដែលស្ថិតក្រោមការបិទទ្វារ រួមមាន កូឡាឡាំពួរ និង Selangor ដែលមានប្រជាជនចំនួន៥៧% និងផលិតផលក្នុងស្រុកសរុប៦៥% ។
ការបិទទ្វារក្រុងនេះធ្វើឡើង ក្នុងគោលបំណង ដើម្បីរួមចំណែកជាចលនាមួយក្នុងការគ្រប់គ្រងស្ថានការក្នុងប្រទេស ការហាមឃាត់រាល់ការជួបជុំគ្នាក្នុងសង្គម និងបិទសាលារៀន ហើយអនុញ្ញាតឱ្យត្រឹមតែការធ្វើជំនួញណា ដែលចាំបាច់។
តំបន់ប្រទេស ដែលនៅសល់ ត្រូវបានដាក់នៅក្រោមវិធានការណ៍ ដែលមិនសូវមានការរឹតបន្តឹងប៉ុន្មាននោះទេ។ សកម្មភាពធ្វើជំនួញមួយចំនយន ត្រូវបានអនុញ្ញាតឱ្យប្រតិបត្តិការ ប៉ុន្តែសកម្មភាពដែលជាប់ទាក់ទងនឹងការជួបជុំគ្នាធំៗ ត្រូវបានហាមឃាត់។
សេដ្ឋវិទូមកពីក្រុមហ៊ុន UOB បាននិយាយក្នុងរបាយការណ៍កាលពីថ្ងៃពុធម្សិលមិញថា ការព្យាករណ៍ពីការធ្លាក់ចុះ កំណើនសេដ្ឋកិច្ចប្រទេសម៉ាឡេស៊ី គឺការរឹតបន្តឹង ដែលអូសបន្លាយ រហូតដល់ចុងខែកុម្ភៈ។
ប៉ុន្តែសេដ្ឋកិច្ចរងផលប៉ះពាល់ពីវិធានការចុងក្រោយនេះ ទំនងជាមិនសូវធ្ងន់ធ្ងរដូចឆ្នាំមុននោះទេ៕
