ក្រសួងសិក្សាសមិទ្ធិលទ្ធភាពគម្រោងសាងសង់ផ្លូវជាតិលេខ៨ ពីស្ពាន ព្រែកតាមាក់-ពញាក្រែក

ដោយៈ ចំណាន

    ភ្នំពេញៈ ក្រុមមន្រ្តីក្រសួងសាធារណការ និងដឹកជញ្ជូនបានបើកកិច្ចប្រជុំពិនិត្យពិភាក្សា Term of References នៃការសិក្សាសមិទ្ធិលទ្ធភាពនៃ គម្រោងសាងសង់ផ្លូវជាតិលេខ៨ ពីស្ពាន ព្រែកតាមាក់-ពញាក្រែក (ប្រសព្វផ្លូវ ជាតិលេខ៧)។

កិច្ចប្រជុំនេះដឹកនាំដោយលោកឈួន វិន រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង អញ្ជើញដឹកនាំកិច្ចប្រជុំពិនិត្យពិភាក្សា។

កិច្ចប្រជុំនេះ រៀបចំឡើងក្នុងគោលបំណង ពិនិត្យពិភាក្សាលើលក្ខខណ្ឌយោង (Term of References – TOR) សម្រាប់ជ្រើសរើសក្រុមហ៊ុនទីប្រឹក្សាបច្ចេកទេស ដើម្បីធ្វើការសិក្សាសមិទ្ធិលទ្ធភាព (Feasibility Study) នៃគម្រោងខាងលើ៕