ដោយ៖ ប៊ី
ភ្នំពេញ៖ កិច្ចព្រមព្រៀងពាណិជ្ជកម្មសេរីអាស៊ាន-ហុងកុង និងកិច្ចព្រមព្រៀងវិនិយោគគ្រោងនឹងចូលជាធរមាននៅថ្ងៃទី១២ ខែកុម្ភៈ ឆ្នាំ២០២១។ នេះបើយោងតាមនាយកដ្ឋានពាណិជ្ជកម្ម និងឧស្សាហកម្មហុងកុងចេញផ្សាយកាលពីថ្មីៗនេះ។
អ្នកនាំពាក្យមួយរូបដែលសុំមិនបញ្ចេញឈ្មោះ បានថ្លែងនៅក្នុងសេចក្តីប្រកាសព័ត៌មានថា កម្ពុជានឹងក្លាយជាប្រទេសចុងក្រោយ នៅពេលដែលកិច្ចព្រមព្រៀងទាំងពីរចូលជាធរមាន បន្ទាប់ពីប្រទេសឥណ្ឌូនេស៊ីបានចូលរួមនៅថ្ងៃទី៤ ខែកក្កដា ឆ្នាំ២០២០ និងព្រុយណេនៅថ្ងៃទី២០ ខែតុលា ឆ្នាំ២០២០។
លោកបាននិយាយថា “សហគ្រាស និងអ្នកផ្តល់សេវាកម្មហុងកុងនឹងអាចទទួលបានអត្ថប្រយោជន៍ពេញលេញដូចដែលបានប្តេជ្ញាចិត្តដោយរដ្ឋជាសមាជិកអាស៊ានទាំង១០ ក្រោមកិច្ចព្រមព្រៀងទាំងពីរនេះ។ ឱកាសអាជីវកម្មរបស់ពួកគេនៅក្នុងទីផ្សារអាស៊ាននឹងមានកាន់ច្រើន”។
លោកបានបន្តថា ហុងកុងបានបង្កើតកិច្ចព្រមព្រៀងពាណិជ្ជកម្មសេរី (FTA) និងកិច្ចព្រមព្រៀងជាមួយអាស៊ានក្នុងឆ្នាំ២០១៧ ហើយកិច្ចព្រមព្រៀងបានចូលជាធរមានជាបណ្តើរៗ ចាប់តាំងពីខែមិថុនាឆ្នាំ២០១៩។
កិច្ចព្រមព្រៀងមានលក្ខណៈទូលំទូលាយក្នុងវិសាលភាព រួមទាំងពាណិជ្ជកម្មទំនិញ ពាណិជ្ជកម្មសេវាកម្ម វិនិយោគ កិច្ចសហប្រតិបត្តិការសេដ្ឋកិច្ច និងបច្ចេកទេសយន្តការដោះស្រាយវិវាទ និងវិស័យពាក់ព័ន្ធដទៃទៀត៕