ដោយៈ និស្ស័យ
ភ្នំពេញៈ ក្រសូងទេសចរណ៍បានរៀបចំការព្យាករណ៍ និងការប្រមើល៍មើលឡើងវិញនៃស្ថិតិទេសចរឡើងវិញ។
ការពិនិត្យនេះ គឺជាមូលដ្ឋានគ្រឹះសំខាន់ ក្នុងការដាក់ចេញវិធានការយុទ្ធសាស្ត្រគន្លឹះ ឆ្លើយតបសមស្របនឹងស្ថានភាពជាក់ស្តែង សម្រាប់រយៈពេលខ្លី មធ្យម និង វែង។
លោកហួត ហាក់ រដ្ឋមន្ត្រីក្រសួងទេសចរណ៍ បានដឹកនាំកិច្ចប្រជុំស្តីពីវឌ្ឍនភាពការងារស្ថិតិទេសចរណ៍ ដោយមានការចូលរួមពីមន្រ្តីពាក់ព័ន្ឋ។
កិច្ចប្រជុំខាងលើ រៀបចំឡើងក្នុងគោលបំណងសំខាន់ៗ រួមមាន៖ ការវិភាគ និងការព្យាករណ៍ឡើងវិញ នៃចំនួនស្ថិតិទេសចរអន្តរជាតិ ក្រោយស្ថានភាពជម្លោះព្រំដែនកម្ពុជា-ថៃ និងស្ថានភាពមិនប្រាកដប្រជាខ្ពស់នៃតំបន់ និងពិភពលោក ការធ្វើឱ្យប្រសើរឡើងនូវវិធីសាស្ត្រប្រមូលទិន្នន័យ ព្រមទាំងវឌ្ឍនភាពនៃការរៀបចំ គណនីរណបទេសចរណ៍៕
