ដោយៈ ម៉ាណា
ភ្នំពេញៈ រដ្ឋមន្រ្តីក្រសួងទេសចរណ៍កម្ពជា លោកហួត ហាក់ បានពិភាក្សាជាមួយលោកYIP Derek ឯកអគ្គរដ្ឋទូតអូស្រ្តាលីប្រចាំកម្ពុជា ដើម្បីជម្រុញកិច្ចសហប្រតិបត្តិការ និងជម្រុញការទភ្ជាប់ជើងហោះហើរត្រង់រវាងប្រទេសទាំងពីរ។
កិច្ចពិភាក្សាការងារនេះ មានការផ្លាស់ប្តូរទស្សនស៊ីជម្រៅស្តីពី ការបង្កើតកិច្ចសហប្រតិបត្តិការទ្វេរភាគី លើវិស័យទេសចរណ៍ និងកិច្ចសហការជួយជំរុញ ការតភ្ជាប់ជើងហោះហើរត្រង់ ពីប្រទេសអូស្ត្រាលីមកកាន់កម្ពុជា ក្នុងគោលបំណងផ្តល់នូវភាពងាយស្រួល ដល់ការធ្វើដំណើរទេសចរណ៍ និងធុរកិច្ចរបស់ប្រជាជនអូស្រ្តាលី និងកម្ពុជា ជាពិសេសផ្តល់ភាពងាយស្រួល ដល់ប្រជាពលរដ្ឋអូស្រ្តាលី ធ្វើដំណើរមកទស្សនាកម្ពុជា ដែលពោរពេញដោយសក្តានុពលទេសចរណ៍ និងជាប្រទេសមានសុខសន្តិភាព សុវត្ថិភាព និងស្ថិរភាពនយោបាយល្អ ដែលត្រូវបានចាត់ទុកជាគោលដៅទេសចរណ៍ ដ៏ពេញនិយមរបស់ប្រជាជនអូស្រ្តាលី ឱ្យកាន់តែច្រើនឡើងថែមទៀត៕
