ដោយ: គង់ លាងហួរ
អន្តរជាតិ: តម្លៃប្រេងឆៅបានកើនឡើងជាង១ភាគរយក្នុងការជួញដូរនៅព្រឹកថ្ងៃអង្គារនេះ បន្ទាប់ពីបានធ្លាក់ចុះយ៉ាងគំហុកនាប៉ុន្មានថ្ងៃកន្លងមកនេះ ដោយសារការព្រួយបារម្ភថា ការដំឡើងពន្ធគយរបស់សហរដ្ឋអាមេរិកអាចនាំឱ្យតម្រូវការប្រេងឆៅសកលធ្លាក់ចុះ។
តួយ៉ាង តម្លៃប្រេងឆៅ Brent futures បានកើនឡើង៨១សេន ឬ១,២៦%ដល់៦៥,០២ដុល្លារក្នុងមួយបារ៉ែល ខណៈតម្លៃប្រេងឆៅ West Texas Intermediate របស់អាមេរិកបានកើនឡើង៩២សេន ឬ១,៥២% ដល់៦១,៦១ដុល្លារក្នុងមួយបារ៉ែលគិតត្រឹមម៉ោងសកល 0051 GMT។
កាលពីថ្ងៃច័ន្ទម្សិលមិញ តម្លៃប្រេងឆៅបានធ្លាក់ចុះ២ភាគរយ ជិតដល់កម្រិតទាបបំផុតក្នុងរយៈពេលបួនឆ្នាំ ដោយសារការភ័យខ្លាចថា ការប្រកាសពន្ធថ្មីរបស់លោកប្រធានាធិបតីអាមេរិក ដូណាល់ ត្រាំ អាចជំរុញសេដ្ឋកិច្ចពិភពលោកឲ្យធ្លាក់ចូលក្នុងវិបត្តិ និងកាត់បន្ថយតម្រូវការថាមពល៕
