ដោយ: គង់ លាងហួរ
អន្តរជាតិ: តម្លៃប្រេងឆៅបានកើនឡើងក្នុងការជួញដូរនៅព្រឹកថ្ងៃព្រហស្បតិ៍នេះ ដោយសារក្តីព្រួយបារម្ភអំពីភាពតានតឹងនៃការផ្គត់ផ្គង់ប្រេងឆៅសកល បន្ទាប់ពីសហរដ្ឋអាមេរិកគំរាមដំឡើងពន្ធលើបណ្តាប្រទេសដែលទិញប្រេងរបស់វេណេស៊ុយអេឡា។
តួយ៉ាង តម្លៃប្រេងឆៅ Brent futures បានកើនឡើង១៤សេន ឬ០,២%ដល់៧៣,៩៣ដុល្លារក្នុងមួយបារ៉ែល ខណៈតម្លៃប្រេងឆៅរបស់អាមេរិក West Texas Intermediate ក៏បានកើនឡើង១៤សេនដូចគ្នាដល់៦៩,៧៩ដុល្លារក្នុងមួយបារ៉ែលគិតត្រឹមម៉ោងសកល 0049 GMT ។
កាលពីថ្ងៃពុធម្សិលមិញ តម្លៃប្រេងឆៅបានកើនឡើងប្រហែល១ភាគរយ បន្ទាប់ពីទិន្នន័យរបស់រដ្ឋាភិបាលអាមេរិកបានបង្ហាញថា ស្តុកប្រេងឆៅ និងប្រេងឥន្ធនៈរបស់សហរដ្ឋអាមេរិកបានធ្លាក់ចុះកាលពីសប្តាហ៍មុន។
ជាមួយគ្នានេះ ក្រុមហ៊ុនចម្រាញ់ប្រេងខ្នាតយក្សឥណ្ឌា Reliance Industries គ្រោងនឹងនញ្ឈប់ការនាំចូលប្រេងពីប្រទេសវេណេស៊ុយអេឡា បន្ទាប់ពីការប្រកាសពន្ធរបស់សហរដ្ឋអាមេរិក៕
