ក្រសួងប្រៃសណីយ៍ និងថ្នាក់ដឹកនាំសភាពាណិជ្ជកម្មបើកកិច្ចប្រជុំទាក់ទងផ្នែកសេដ្ឋកិច្ច សង្គមឌីជីថល និងទូរគមនាគមន៍

ដោយៈ ម៉ាណា

    ភ្នំពេញៈ នៅទីស្តីការក្រសួងប្រៃសណីយ៍ និងទូរគមនាគមន៍ មានរៀបចំកិច្ចប្រជុំអនុក្រុមការងារ ចំណុះឱ្យក្រុម “ណ” “ផ្នែកសេដ្ឋកិច្ច សង្គមឌីជីថល និងទូរគមនាគមន៍” ដឹកនាំដោយលោកជាប សត្ថារតន៍ រដ្ឋលេខាធិការប្រចាំការ ក្រសួងប្រៃសណីយ៍ និងទូរគម​នាគមន៍ និងជាសហប្រធានអនុក្រុមការងារ ចំណុះឱ្យក្រុម “ណ”​ តំណា​ងផ្នែករដ្ឋាភិបាល និងឧកញ៉ាសុខ ពិសិដ្ឋ អនុប្រធានសភាពាណិជ្ជកម្មកម្ពុជា និងជាសហប្រធានអនុក្រុមការងារ ចំណុះឱ្យក្រុម “ណ”​ តំណាងផ្នែកឯកជន។

កិច្ចប្រជុំនេះក៏មានការចូលរួមផង​ដែរ ពីសំណាក់មន្រ្តីពាក់ព័ន្ធនៃក្រសួងប្រៃសណីយ៍ និងទូរគមនាគមន៍ និងតំណាងក្រុមហ៊ុនឯកជនដែលជាសមាជិក សមាជិកានៃអនុក្រុមការងារមួយចំនួនទៀតផងដែរ។

កិច្ចប្រជុំនេះមានគោលបំណង ដើម្បីពិនិត្យ ពិភាក្សា និងដោះស្រាយ នូវបញ្ហាប្រឈមដែលជាកង្វល់ របស់ផ្នែកឯកជនទៅលើប្រធានបទការទទួលស្គាល់យថាប្រភេទ (Type Approval) ដែលចេញដោយក្រសួងប្រៃសណីយ៍ និងទូរគមនាគមន៍៕