តម្លៃប្រេងឆៅនៅលើទីផ្សារអន្តរជាតិបានធ្លាក់ចុះនៅថ្ងៃអង្គារនេះ

ដោយ: គង់ លាងហួរ
អន្តរជាតិ: តម្លៃប្រេងឆៅបានធ្លាក់ចុះក្នុងការជួញដូរនៅព្រឹកថ្ងៃអង្គារនេះ បន្ទាប់​ពី​អង្គការនៃបណ្តាប្រទេសនាំចេញ​ប្រេង (OPEC) និង​សម្ព័ន្ធមិត្ត​របស់​ខ្លួន​បាន​ប្រកាស​ពី​ផែនការ​បង្កើន​ផលិតកម្ម​ប្រេង​ឆៅ​ជា​បណ្តើរៗ​ចាប់​ពី​ខែ​មេសាខាងមុខ។

តួយ៉ាង តម្លៃប្រេងឆៅ Brent futures បានធ្លាក់ចុះ៥៤សេនមកនៅត្រឹម៧១,០៨ដុល្លារក្នុងមួយបារ៉ែលគិតត្រឹមម៉ោងសកល 0149 GMT ខណៈតម្លៃប្រេងឆៅរបស់អាមេរិក West Texas Intermediate បានធ្លាក់ចុះ៣៦សេនមកនៅត្រឹម៦៨,០១ដុល្លារក្នុងមួយបារ៉ែល។

អង្គការ OPEC+ គ្រោងនឹងចាប់ផ្តើមបង្កើនទិន្នផលនៃផលិតកម្មប្រេងឆៅបន្ថែមចំនួន១៣៨.០០០បារ៉ែលក្នុងមួយថ្ងៃចាប់ពីខែមេសា ឆ្នាំ២០២៥នេះ ជាលើកដំបូងគិតចាប់តាំងពីឆ្នាំ២០២២៕