ដោយ: គង់ លាងហួរ
អន្តរជាតិ: តម្លៃប្រេងឆៅបានកើនឡើងក្នុងការជួញដូរនៅព្រឹកថ្ងៃអង្គារនេះ ខណៈសហរដ្ឋអាមេរិកបានដាក់ទណ្ឌកម្មថ្មីលើការនាំចេញប្រេងរបស់ប្រទេសអុីរ៉ង់ ដោយបង្កើនការព្រួយបារម្ភចំពោះការរំខានដល់ការផ្គត់ផ្គង់។
តម្លៃប្រេងឆៅ Brent futures បានកើនឡើង៣៨សេនដល់៧៥,១៦ដុល្លារក្នុងមួយបារ៉ែលគិតត្រឹមម៉ោងសកល 0217 GMT ខណៈតម្លៃប្រេងឆៅរបស់អាមេរិក West Texas Intermediate បានកើនឡើង៤៣សេនដល់៧១,១៣ដុល្លារក្នុងមួយបារ៉ែល។
សហរដ្ឋអាមេរិកបានដាក់ទណ្ឌកម្មថ្មីទៅលើឈ្មួញកណ្តាល ប្រតិបត្តិករនាវាដឹកប្រេង និងបណ្តាក្រុមហ៊ុន ដែលដឹកជញ្ជូនប្រេងរបស់អុីរ៉ង់។
អុីរ៉ង់ជាប្រទេសផលិតប្រេងធំជាងគេទី៣ នៅក្នុងអង្គការនៃបណ្តាប្រទេសនាំចេញប្រេង(OPEC) ដោយបានបូមប្រេងចំនួន៣,២លានបារ៉ែលក្នុងមួយថ្ងៃក្នុងខែមករា ឆ្នាំ២០២៥។នេះបើយោងតាមការស្ទង់មតិរបស់សារព័ត៌មាន Reuters៕
