ដោយៈ គង់ ម៉ាលីនណា
ភ្នំពេញៈ លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា បានអញ្ជើញចូលរួមចែករំលែកទស្សនទានក្នុងកិច្ចពិភាក្សាស្តីពី “អន្តរកាលហិរញ្ញវត្ថុក្នុងការត្រួតពិនិត្យធនាគារ” ក្នុងវេទិកានិយ័តករហិរញ្ញវត្ថុកម្រិតខ្ពស់ប្រចាំតំបន់អាស៊ី។
វេទិកានេះ ត្រូវបានរៀបចំឡើងដោយរាជរដ្ឋាភិបាលជប៉ុន និងមានការចូលរួមពីវិនិយោគិនបរទេស ក៏ដូចជាក្រុមហ៊ុនគ្រប់គ្រងមូលធនអន្តរជាតិធំៗ ដើម្បីពិភាក្សាផ្លាស់ប្តូរទស្សនទានលើប្រធានបទជាច្រើន។
អន្តរកាលហិរញ្ញវត្ថុដើរតួនាទីយ៉ាងសំខាន់ ក្នុងការដឹកនាំគ្រឹះស្ថានធនាគារ និងហិរញ្ញវត្ថុឆ្ពោះទៅរកប្រតិបត្តិការប្រកបដោយនិរន្តរភាព សំដៅធានាបានប្រព័ន្ធហិរញ្ញវត្ថុ ដែលមានភាពធន់ និងមានយន្តការត្រៀមរួចជាស្រេច ដើម្បីសម្របខ្លួននិងទប់ទល់នឹងភាពមិនច្បាស់លាស់នៃអនាគត៕
