រដ្ឋាភិបាលចំណាយប្រាក់ជាង៤០០លានដុល្លារកសាងប្រព័ន្ឋប្រឡាយដើម្បីរំដោះទឹកជំនន់នៅរាជធានីភ្នំពេញនិងខេត្តមួយចំនួន

        ដោយៈ គង់ សូរិយា

        ភ្នំពេញៈ រាជរដ្ឋាភិបាលកម្ពុជានៅដើមនិតិកាលទី៧នេះ បានចំណាយប្រាក់ជាង៤០០លានដុល្លារ ដើម្បីកសាងប្រព័ន្ឋប្រឡាយដ៏ធំ ដែលនឹងកាត់បន្ថយការជន់លិចនៅរាជធានីភ្នំពេញ។

ប្រឡាយដែលមានប្រវែងជាង៥០០គីឡូម៉ែត្រនេះ នឹងរួមចំណែ​កកាត់បន្ថយទឹកជំនន់ និងជួយដល់វិស័យកសិកម្ម នៅខេត្តមួយចំនួនទៀតដូចជា ខេត្តកណ្តាល តាកែវ និងខេត្តកំពង់ស្ពឺផងដែរ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

សម្តេចធិបតី​ហ៊ុន​ ​ម៉ា​ណែ​ត​នាយករដ្ឋមន្រ្តីនៃកម្ពុជាកាលពីចុងសប្តាហ៍មុន ​បាន​ចុះ​ពិនិត្យ​វឌ្ឍនភាព​គម្រោង ​ប្រព័ន្ធ​ដោះ​ទឹក​និង​ពង្វាង​ទឹកជំនន់​ចេញពី​រាជធានី​ភ្នំពេញ ​និង​តំបន់​រណប​ស្ថិត​ក្នុង​ភូមិសាស្ត្រ​រាជធានី​ភ្នំពេញ​ ​ដែល​បាន​ប្រកាស​ថា​ គម្រោង​នេះ​នឹង​បញ្ចប់​នៅ​ដំណាច់​ខែ​សីហា​ ​ឆ្នាំ​២​០​២​៤​នេះ​។​

ក្នុង​អំឡុង​ពេល​ចុះ​ត្រួតពិនិត្យ​គម្រោង​នោះ​ ​សម្តេចធិបតី​បាន​ត្រួតពិនិត្យ​វឌ្ឍនភាព ​ការងារ​អនុវត្ត​អនុ​គម្រោង​សំណង់ ​ស្ទាក់​ទឹក​និង​ប្រព័ន្ធ​ដោះ​ទឹក​ស្ទឹង​តូច ​ប្រវែង​៥​១​គីឡូម៉ែត្រ ​ក្នុង​ភូមិសាស្ត្រ​ខេត្ត​កំពង់ស្ពឺ​។​ ​

វា​ជា​ផ្នែក​មួយ​នៃ​គម្រោង​ប្រព័ន្ធ​ដោះ​ទឹក ​និង​ពង្វាង​ទឹក​ចេញពី​ភូមិសាស្ត្រ​រាជធានី​ភ្នំពេញ​ ​និង​តំបន់​រណប​មាន​សក្តានុពល​ពង្វាង​ទឹក​ពី​ស្ទឹង​ព្រែកត្នោត​ក្នុង​ភូមិ​ស្រែក​ក់ ​ឃុំ​រលាំង​ចក​ ​ស្រុក​សំរោងទង​ ​ខេត្ត​កំពង់ស្ពឺ​ ​ប្រមាណ​៣​០​០​ម៉ែត្រ​គូ​ប​ក្នុង​មួយ​វិនាទី ​តាម​ស្ទឹង​តូច​ក្នុង​ខេត្ត​កំពង់ស្ពឺ​ ​ខេត្ត​កណ្តាល​ ​ហើយ​ហូរ​ធ្លាក់​ទៅ​ទន្លេ​របាទី ​ក្នុង​ភូមិសាស្ត្រ​ខេត្ត​តាកែវ​ ​និង​បន្ត​ធ្លាក់​ទៅ​ទន្លេ​បាសាក់​។​ ​គិត​មកដល់ពេលនេះ​វឌ្ឍនភាព​ការងារ​សម្រេច​បាន​ប្រមាណ​៧​០​,​៦​៤​%​។​

បន្ទាប់មក​លោក​បាន​ត្រួតពិនិត្យ​វឌ្ឍនភាព ​អនុ​គម្រោង​សំណង់​ស្ថានីយ​បូម​ទឹក​សាក់​សំពៅ ​និង​ការ​កែ​លម្អ​ប្រព័ន្ធ​ប្រឡាយ​មេជើង​ឯក​បី​ខ្សែ​ក្នុង​ភូមិសាស្ត្រ​រាជធានី​ភ្នំពេញ​។​ ​វា​ជា​ផ្នែក​មួយ​នៃ​គម្រោង​ប្រព័ន្ធ​ដោះ​ទឹក​ និង​ពង្វាង​ទឹក​ ចេញពី​ភូមិសាស្ត្រ​រាជធានី​ភ្នំពេញ​ ​និង​តំបន់​រណប​មាន​សក្តានុពល​ ពង្វាង​ទឹក​ចាប់ពី​សាក់​សំពៅ​ ​ជើងឯក​ ​ធ្លាក់​ទៅ​ព្រែក​ហូរ​ ​ខេត្ត​កណ្ដាល​។​

​ស្ថានីយ​បូម​ទឹក​សាក់​សំពៅ ​មាន​សមត្ថភាព​អាច​បូម​ទឹកបាន​៣​០​ម៉ែត្រ​គូ​ប​ក្នុង​មួយ​វិនាទី។​ ​គិត​មក​ដល់​ពេល​នេះ ​វឌ្ឍនភាព​ការងារ​សម្រេច​បាន​ប្រមាណ​៧​៦​,​៧​៧​%​។​

បន្ទាប់មក​ទៀត​លោក​បាន​ពិនិត្យ​វឌ្ឍនភាព ​ប្រព័ន្ធ​ប្រឡាយ​ព្រែក​ហូរ​ប្រវែង​៧​,​២​គីឡូម៉ែត្រ ​នៃ​គម្រោង​ប្រព័ន្ធ​ស្រោចស្រព​និង​ការពារ​ទឹកជំនន់​ស្ទឹង​ព្រែកត្នោត ​ក្នុង​ភូមិសាស្ត្រ​ខេត្ត​កណ្តាល​។​ ​វា​ជា​ផ្នែក​មួយ​នៃ​គម្រោង​ប្រព័ន្ធ​ស្រោចស្រព ​និង​ការពារ​ទឹកជំនន់​ស្ទឹង​ព្រែកត្នោត​មាន​សក្តានុពល ​ដោះ​ទឹក​ចេញពី​ស្ទឹង​ព្រែកត្នោត​ ត្រង់​ចំណុច​ស្ពាន​ព្រែក​ហូរ​ ​ក្រុង​តាខ្មៅ​ប្រមាណ​៥​១​៥​ម៉ែត្រគូប ​ក្នុង​មួយ​វិនាទី​ ​ទៅ​តាម​ព្រែក​ ​និង​ប្រឡាយ​ ​ហើយ​ធ្លាក់​ទៅ​ទន្លេ​បាសាក់។​ ​គិត​មកដល់ពេលនេះ ​វឌ្ឍនភាព​ការងារ​សម្រេច​បាន​ប្រមាណ​៩​៥​%​។​

សម្តេចធិបតីហ៊ុន ម៉ាណែត​បាន​ថ្លែង​ថា​ ​គម្រោង​ប្រព័ន្ធ​ដោះ​ទឹក​និង​ពង្វាង​ទឹក​ចេញពី​រាជធានី​ភ្នំពេញ ​និង​តំបន់​រណប​ត្រូវ​អនុវត្ត​ជា​បី​ជំហាន​ ​ដែល​បច្ចុប្បន្ន​ក្រសួង​ធនធាន​ទឹក​ និង​ឧតុនិយម​កំពុង​អនុវត្ត​ជំហាន​ទី​១​ ​និង​ទី​២​ ​ដែល​បាន​ចាប់ផ្តើម​ពី​ខែ​ធ្នូ​ ​ឆ្នាំ​២​០​២​៣​ ​ហើយ​គ្រោង​បញ្ចប់​នៅ​ដំណាច់​ខែ​សីហា​ ​ឆ្នាំ​២​០​២​៤​​៕​

 

LEAVE A REPLY

Please enter your comment!
Please enter your name here