ដោយៈ និស្ស័យ
ភ្នំពេញៈ អភិបាលរាជធានីភ្នំពេញ លោកឃួង ស្រេងបានថ្លែងថាក្នុងរាជធានីភ្នំពេញ មានចំនួន៧៦៣រោងចក្រ ក្នុងនោះរោងចក្រ សហគ្រាស ដែលបានស្នើសុំចុះបញ្ជីនៅអនុគណៈកម្មាធិការ វិនិយោគ រាជធានីភ្នំពេញមានចំនួន៨១រោងចក្រ កើនឡើង១៨រោងចក្រ។
លោកបានមានប្រសាសន៍បែបនេះ ក្នុងពិធីបើកសន្និបាតកការងារឆ្នាំ២០២៣ និងលើកទិសដៅឆ្នាំ២០២៤ របស់រដ្ឋបាលរាជធានីភ្នំពេញកាលពីព្រឹកថ្ងៃទី២៨ ធ្នូកន្លងមកនេះ។
លោកបន្តថា រោងចក្រ សហគ្រាសទាំងនោះ មានតម្លៃប៉ាន់ស្មានផលិតផល សរុប៦៥៩៣លានដុល្លាអាមេរិក គឺកើនឡើងយ៉ាងគំហុកក្នុងអត្រាប្រមាណ២១៨% បើធៀបនឹងតម្លៃប៉ាន់ស្មានផលិតផល សរុបក្នុងឆ្នាំ២០២២កន្លងទៅ។
លោកឃួង ស្រេងបានបន្តថា “នេះជាការបង្ហាញឱ្យឃើញពីសញ្ញាណវិជ្ជមាននៃការវិនិយោគ ក្រោយពេលបើកដំណើរការសេដ្ឋកិច្ច-សង្គមពេញលេញឡើងវិញ លើគ្រប់វិស័យនារយៈពេល២ ឆ្នាំចុងក្រោយនេះ”៕
