ដោយ: គង់ លាងហួរ
អន្តរជាតិ: ការជួញដូរផ្សារហ៊ុននៅតំបន់អាស៊ី ស្ថិតក្នុងភាពមិនច្បាស់លាស់ នៅថ្ងៃចន្ទនេះ បន្ទាប់ពីរបាយការណ៍ការងារអាមេរិកបានជំរុញឱ្យសញ្ញាប័ណ្ណងើបឡើងថ្លៃ ប៉ុន្តែឧបសគ្គថ្មីអាចកើតមាននៅពេលខាងមុខ ជុំវិញតួលេខអតិផរណារបស់សហរដ្ឋអាមេរិក និងចិន។
សន្ទស្សន៍ភាគហ៊ុនអាស៊ីប៉ាស៊ីហ្វិក ដ៏ទូលំទូលាយបំផុតរបស់ក្រុមហ៊ុន MSCI នៅខាងក្រៅប្រទេសជប៉ុនបានធ្លាក់ចុះ បន្ទាប់ពីបានធ្លាក់ថ្លៃ២,៣ភាគរយកាលពីសប្តាហ៍មុន។
ចំណែកឯ ផ្សារហ៊ុនNikkei របស់ប្រទេសជប៉ុនបានធ្លាក់ថ្លៃ១ភាគរយ។ ប៉ុន្តែ ផ្សារហ៊ុន S&P 500 futures បានងើបឡើងថ្លៃ០,២ភាគរយ និងផ្សារហ៊ុន Nasdaq futures បានងើបឡើង០,៣ភាគរយនៅក្នុងការជួញដូរដំបូង។
ទិន្នន័យស្តីពីតម្លៃទំនិញប្រើប្រាស់ នៅសហរដ្ឋអាមេរិក ត្រូវបានគេព្យាករNណ៍ថា អតិផរណាទូទៅនឹងអាចកើនឡើងបន្តិច ទៅដល់៣,៣ភាគរយប្រចាំឆ្នាំ ប៉ុន្តែអត្រាស្នូលសំខាន់ជាងនេះ ត្រូវបានគេមើលឃើញថា នឹងមានការថយចុះដល់៤,៧ភាគរយ។
នៅប្រទេសចិនវិញ ទីផ្សារកំពុងស្វែងរកសញ្ញាបន្ថែមទៀតនៃបរិត្តផរណា (Deflation) ដោយតម្លៃអ្នកប្រើប្រាស់ប្រចាំឆ្នាំ ត្រូវបានគេមើលឃើញថា នឹងអាចធ្លាក់ចុះប្រហែល០,៥ភាគរយ ហើយតម្លៃអ្នកផលិតអាចធ្លាក់ចុះ៤ភាគរយ។
ក្រុមអ្នកវិភាគនៅធនាគារ Goldman Sachs មើលឃើញពីហានិភ័យដែលនាំឱ្យសេដ្ឋកិច្ចធ្លាក់ចុះ (downside risks) ចំពោះតួលេខមួយផ្នែក ដោយសារតែតម្លៃរថយន្តធ្លាក់ចុះ ដែលជាលទ្ធផលមួយអាចជួយឱ្យមូលបត្របំណុល បន្តងើបឡើងថ្លៃយ៉ាងសកម្មខ្លាំង៕