ដោយ: លាងហួរ
ម៉ានីល: អាជ្ញាធរស្ថិតិហ្វីលីពីន បានឱ្យដឹង នៅថ្ងៃអង្គារនេះថា ទំហំពាណិជ្ជកម្មក្រៅប្រទេសសរុបរបស់ប្រទេសហ្វីលីពីន បានកើនឡើង១៤,៨ភាគរយ នៅក្នុងខែសីហា ដល់១៨,៨២ពាន់លានដុល្លារ។
ទីភ្នាក់ងារនេះបានបង្ហាញថា ក្នុងចំណោមពាណិជ្ជកម្មខាងក្រៅសរុប នៅក្នុងខែសីហាឆ្នាំនេះ ៦៥,៩ភាគរយគឺជាទំនិញនាំចូល ខណៈដែលនៅសល់ គឺជាទំនិញនាំចេញ។
តុល្យភាពនៃពាណិជ្ជកម្មទំនិញមានចំនួនដក៦ពាន់លានដុល្លារ ដែលបង្ហាញពីឱនភាពពាណិជ្ជកម្មជាមួយនឹងការកើនឡើងប្រចាំឆ្នាំ រហូតដល់៨១,៣ភាគរយ។
ទិន្នន័យបានបង្ហាញថា ប្រទេសចិន គឺជាអ្នកផ្គត់ផ្គង់ទំនិញនាំចូលដ៏ធំបំផុត របស់ប្រទេសហ្វីលីពីន ហើយក៏បានរួមចំណែកតម្លៃនាំចេញខ្ពស់បំផុតទីបី ទៅកាន់ប្រទេសហ្វីលីពីនផងដែរ។ នៅក្នុងខែកក្កដា ការកើនឡើងប្រចាំឆ្នាំស្ថិតនៅ១១,៨ភាគរយ ហើយឱនភាពពាណិជ្ជកម្មបានកត់ត្រាការកើនឡើងប្រចាំឆ្នាំ៧០,៩ភាគរយ៕