ប្រទេសថៃរំពឹងខ្ពស់នូវភ្ញៀវទេសចរចិន១,៥លាននាក់នៅឆ្នាំនេះ

ដោយ: លាងហួរ

បាងកក: រដ្ឋមន្ត្រីក្រសួងទេសចរណ៍ និងកីឡា លោក Phiphat Ratchakitprakan បាននិយាយថា វត្តមានចូលរួមរបស់ប្រធានាធិបតីចិន លោកស៊ីជីន ពីងនៅក្នុងកិច្ចប្រជុំកំពូល នៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (Apec) នៅទីក្រុងបាងកក អាចជួយប្រទេសថៃទទួលបានភ្ញៀវទេសចរអន្តរជាតិ ចំនួន១២លាននាក់នៅឆ្នាំនេះ លើសពីគោលដៅរបស់រដ្ឋាភិបាលចំនួន១០លាននាក់។

លោក Phiphat ជឿជាក់ថា អ្នកដំណើរចិនចំនួន១,៥លាននាក់នឹងទៅលេងប្រទេសថៃក្នុងខែធ្នូ ប្រសិនបើលោក ស៊ី ជីនពីន អនុញ្ញាតឱ្យទេសចរណ៍ក្រៅប្រទេសបន្តក្នុងខែនោះ។

ក្រសួងការបរទេសថៃបានថ្លែងកាលពីថ្ងៃពុធថា លោកស៊ី បានបញ្ជាក់ថា លោកនឹងចូលរួមកិច្ចប្រជុំកំពូល Apec នៅថ្ងៃទី១៨-១៩ខែវិច្ឆិកាខាងមុខ។

លោក Phiphat បានបន្តថា “ខ្ញុំជឿជាក់ថា យើងពិតជានឹងសម្រេចបាននូវគោលដៅទេសចរណ៍បរទេស ចំនួន១០លាននាក់នៅចុងឆ្នាំ២០២២នេះ”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ប្រទេសថៃបានសម្រេចគោលដៅ ហួសពាក់កណ្តាលដោយមានភ្ញៀវទេសចរចូលទស្សនា៥,៧លាននាក់ ក្នុងរយៈពេល៩ខែដំបូងនៃឆ្នាំ២០២២នេះ។

លោកPhiphatបានបញ្ជាក់ថា ភ្ញៀវទេសចរបរទេសចំនួន១,៥លាននាក់ត្រូវបានគេរំពឹងថា នឹងមកលេងប្រទេសថៃរៀងរាល់ខែ នៅចន្លោះខែតុលា ដល់ខែធ្នូ ដែលនឹងជំរុញឱ្យចំនួនភ្ញៀវទេសចរណ៍ សរុបសម្រាប់ឆ្នាំនេះកើនឡើងដល់ជាង១០លាននាក់។

លោក Phiphat បាន​បន្ថែមថា ប្រសិន​បើ​មាន​ភ្ញៀវ​ទេសចរ​ចិន​បន្ថែម​ទៀត ទីផ្សារ​អាច​នឹង​កើន​ដល់១២លាន​នាក់៕

LEAVE A REPLY

Please enter your comment!
Please enter your name here