រដ្ឋាភិបាលនឹងអនុម័តច្បាប់ស្តីពីពន្ឋដាថ្មីដើម្បីបង្កើនការទាក់ទាញ អ្នកធុរកិច្ចអន្តរជាតិ

ដោយៈគង់ ម៉ាលីនណា

       ភ្នំពេញៈ រដ្ឋាភិបាលតាមរយៈអគ្គនាយកដ្ឋានពន្ឋដា បាននិងកំពុងរៀបចំសេចក្តីព្រាងច្បាប់ពន្ឋដាថ្មី ដែលច្បាប់នេះនឹងត្រូវអនុម័តឲ្យប្រើប្រាស់នៅចុងឆ្នាំនេះ។

រដ្ឋមន្រ្តីប្រតិភូអមនាយករដ្ឋមន្រ្តី និងជា​អគ្គនាយកដ្ឋាន​ពន្ធដារ​ លោកគង់ វិបុលបាន​ថ្លែងថា សេចក្តី​ព្រាងច្បាប់​ស្តីពី​ពន្ធដារ​នឹងត្រូវ​រដ្ឋាភិបាល និង​សភាជាតិ​អនុម័ត​នៅ​ចុងឆ្នាំ​នេះ ឬ​ឆ្នាំក្រោយ ដែល​ច្បាប់​ថ្មី​នេះ​តាក់តែង​ឡើង​ឱ្យស្រប​ទៅនឹង​បរិបទ​សេដ្ឋកិច្ច​ប្រទេស តំបន់ និង​ពិភពលោក ដើម្បី​ទាក់ទាញ​វិនិយោគ​ថ្មីៗ ​ដ៏​មាន​សក្តានុពល​ឱ្យមក​វិនិយោគ​ នៅ​ប្រទេស​កម្ពុជា​។

លោកបានមានប្រសាសន៍ឲ្យដឹង​ក្នុង​វេទិកា​ស្តីពី​ “​បច្ចុប្បន្នភាព​សារពើពន្ធ និង​សវនកម្ម​របស់​សភា​ពាណិជ្ជកម្ម​អាមេរិក​-AmCham Tax Updates and Audits Event” នៅ​រាជធានី​ភ្នំពេញ កាលពី​ថ្ងៃទី​២៨ ខែកញ្ញា​ថា ចាប់តាំងពី​ច្បាប់​ស្តីពី​ការ​វិនិយោគ​ថ្មី ​ត្រូវបាន​ប្រកាស​ដាក់​ឱ្យ​ប្រើប្រាស់​នៅក្នុង​ប្រទេស​កម្ពុជា ច្បាប់​ស្តីពី​ពន្ធដារ​មិនទាន់​បាន​ដាក់ឱ្យ​ដំណើរការ​ទេ​។ ច្បាប់​ទាំង​២ គួរ​ត្រូវបាន​ដើរ​ទន្ទឹម​គ្នា​។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោក​បន្តថា “​ច្បាប់​ពន្ធដារ​អត់​មាន​ការលើក​ទឹកចិត្ត ដូច្នេះ​ហើយ​មាន​មនុស្ស​ជាច្រើន​តែងតែ​សួរ​យើងខ្ញុំ​ថា តើ​យើង​គួរ​ធ្វើ​បច្ចុប្បន្នភាព​ច្បាប់​ពន្ធដារ​ដែរឬ​យ៉ាងណា​?”។ លោកបន្ថែមថា “អ៊ីចឹង​នៅពេល​ដែល​យើង​ធ្វើ​សេចក្តី​ព្រាង​ច្បាប់​ពន្ធដារ​ គឺ​យើង​ធ្វើឡើង​នៅ​ថ្នាក់​ក្រសួង​សេដ្ឋកិច្ច និង​ហិរញ្ញវត្ថុ ក្រសួង​យុតិ្តធម៌ ​អ្នកពិនិត្យ​មើល​ទៅលើ​ច្បាប់​ពាក់ព័ន្ធ ​ជាមួយ​បទល្មើស​ព្រហ្មទណ្ឌ ក្រម​ព្រហ្មទណ្ឌ និង​ពិនិត្យ​មើល​ទៅលើ​ប្រការ​នីមួយៗ​ ដើម្បី​ឱ្យ​ស្រប​ទៅនឹង​ច្បាប់​ផ្សេងៗ”។

ក្រុម​ការងារ​ច្បាប់​របស់ GDT បាន​ធ្វើ​សេចក្តី​ព្រាងច្បាប់​នេះ​ជាយូរ​ឆ្នាំ​ហើយ ដែល​សេចក្តី​ព្រាង​ច្បាប់​ថ្មី​នេះ ​គឺ​ធ្វើ​ឡើង​ផ្អែកលើ​ការអភិវឌ្ឍ​នៃ​វិស័យ​សេដ្ឋកិច្ច​កម្ពុជា និង​ស្រប​តាម​កំណើន​សេដ្ឋកិច្ច ឬ​ការប្រែប្រួល​នៃ​សេដ្ឋកិច្ច​ក្នុង​ពេល​បច្ចុប្បន្ន​។ លោក​បាន​បន្តថា ការតាក់តែង​សេចក្តី​ព្រាង​ច្បាប់​នេះ​គឺ​ផ្អែកលើ​ធាតុ​ចូល​ពី​វិស័យ​ឯកជន​ផងដែរ និង​តាមរយៈ​ក្រុម​ការងារ​ពន្ធដារ ក្រុម​ “ឃ” ដែល​ដឹកនាំ​ដោយ​រដ្ឋមន្ត្រី​ក្រសួង​សេដ្ឋកិច្ច និង​វិស័យ​ឯកជន​។

លោកបានពន្យល់ថា​ យើង​រៀបចំ​សេចក្តី​ព្រាង​ច្បាប់​នេះ​ឡើង​សំដៅ​ធ្វើ​យ៉ាងណា​ឱ្យមាន​លក្ខណៈ​ងាយស្រួល​ សម្រាប់​អ្នក​ជាប់ពន្ធ និង​សមស្រប​ជាមួយ​ច្បាប់​ស្តីពី​ការវិនិយោគ​ផងដែរ​។ ខ្ញុំ​សង្ឃឹមថា​នៅ​ចុង​ឆ្នាំនេះ ឬ​នៅ​ចុង​អាណត្តិ​នេះ​ច្បាប់​ពន្ធដារ​ថ្មី​របស់​យើង​នឹង​អាច​អនុម័ត​ដោយ​រដ្ឋាភិបាល និង​រដ្ឋសភា​របស់​យើង​។ បច្ចុប្បន្ន​សេចក្តី​ព្រាងច្បាប់​នេះ​ស្ថិតក្នុង​ដៃ​របស់​ក្រសួង​សេដ្ឋកិច្ច និង​ហិរញ្ញវត្ថុ”៕

 

LEAVE A REPLY

Please enter your comment!
Please enter your name here