ដោយៈ គង់ ម៉ាលីនណា
ភ្នំពេញៈ ធនាគារជាតិនៃកម្ពុជា(NBC) កាលពីថ្ងៃទី១៩ ខែកញ្ញា ឆ្នាំ២០២២នេះ បានចេញសេចក្ដីជូនដំណឹងដល់គ្រឹះស្ថានធនាគារ និងហិរញ្ញវត្ថុ ស្ដីពីការបោះផ្សាយមូលបត្ររដ្ឋលើកទី២ ដែលនឹងរៀបចំឡើងនៅថ្ងៃទី២១ ខែកញ្ញា ឆ្នាំ២០២២។
ការដេញថ្លៃមូលបត្ររដ្ឋលើកទី២នេះ មានទំហំទឹកប្រាក់សរុបជិត៥០លានដុល្លារ តម្លៃចារឹក១លានរៀល អត្រាកូប៉ុង២.៤៤%ថេរ និងមានរយៈពេលទូទាត់រាល់៦ខែម្តង។
កាលពីការដេញថ្លៃមូលបត្ររដ្ឋលើកទី១ មានគ្រឹះស្ថានចូលរួមចំនួន៨ បរិមាណចូលរួមដេញថ្លៃជោគជ័យសរុបមាន៤១,៨០០ឯកតា និងអត្រាចំណូលដេញថ្លៃឈ្នះមាន២.២ភាគរយ៕